អ្នកនាំពាក្យរបស់កីឡាករ Adnan Januzaj បានឲ្យដឹងថា ក្លិបយក្សបារាំង Paris Saint-Germain នឹងបរាជ័យក្នុងការដេញថ្លៃខ្សែបម្រើស្លាប របស់ក្រុម បិសាចក្រហម Manchester United នៅក្នុងខែនេះ ។
ក្រុម PSG បានប៉ុងប៉ង ជាលើកដំបូង លើកីឡាករអាយុ ១៩ ឆ្នាំនេះ ក្នុងឆ្នាំ ២០១១ ម្តងរួចទៅហើយ ក្នុងអំឡុងពេលកីឡាកររូបនេះលេងនៅលើទឹកដី Anderlecht ប៉ុន្តែពេលនោះបិសាចក្រហម បានបញ្ចុះបញ្ចូលគាត់ ឲ្យលេងនៅលើទឹកដី Old Traford ។ ប៉ុន្តែនៅពេលនេះ កីឡាករ Adnan Januzaj បានបរាជ័យក្នុងការលេងនៅក្រោមការដឹកនាំរបស់ Louis van Gaal ។
កីឡាករប៊ែលហ្សិករូបនេះ លេង បានតែ ៥ លើកប៉ុណ្ណោះ ជាមួយនឹងក្លិប ក្នុងរដូវកាលនេះ តែ PSG នៅតែពេញចិត្ត ។
លោក Dirk de Vriese អ្នកនាំពាក្យ Adnan Januzaj បានចេញមុខអះអាងថា កីឡាករ ប៊ែលហ្សិកនេះ នឹងមិនចាកចេញពី Old Traford នោះទេ ដោយ Van Gaal ត្រៀមទុកសម្រាប់ពេលខាងមុខ ។
PSG បានចេញមុខមកសាកសួរទិញក្នុងអំឡុងពេលទីផ្សារផ្ទេរនេះ តែ Van Gaal បានប្រកាសថា Adnan Januzaj មិនអាចចាកចេញនៅ សិសិរដូវនេះបានទេ ហើយក៏មិនអាចខ្ចីជើងបានដែរ៕
ព័ត៌មានជាតិ
មតិយោបល់