យោងតាមប្រភពព័ត៌មានវៀណាម ngoisao ចុះផ្សាយនៅថ្ងៃទី ២៨ ខែ មករា នេះបានឲ្យដឹងថា ឧទ្ធម្ភាគចក្រយោធារៀតណាម បានធ្លាក់នៅក្នុងកសិដ្ឋានមួយ នៅជាយក្រុងហូជីមិញ ប្រទេសវៀតណាម ។
លោកឧត្តមសេនីយ៍ Vo Van Tuan និងជាអនុប្រធានបុគ្គលិកនៃកងទ័ពវៀតណាម បានឲ្យដឹងថា ឧទ្ធម្ភាគចក្រយោធា ដែលធ្លាក់នេះ ជារបស់កងវរសេនាធំទ័ពអាកាស ៩១៧ ។
នៅម៉ោង ៧ ព្រឹក ថ្ងៃទី ២៨ ខែ មករានេះ ឧទ្ធម្ភាគចក្រយោធារៀតណាម UH 1 បានហោះចេញពីព្រលាន Tan Son Nhat ដើម្បីទៅហ្វឹកហាត់ ។ ប៉ុន្តែ ៨ នាទីក្រោយពី ចាកចេញពីព្រលាន ឧទ្ធម្ភាគចក្រ នេះបាត់ការទាកទង នៅ សង្កាត់ Binh Chanh ដែលរួមទាំង ៤ បួននាក់នៅលើនោះ ។
បើតាមការឲ្យដឹងរបស់លោក Pham Van Fresh ចៅសង្កាត់ Binh Chanh បានដាក់ពង្រាយកម្លាំង ភ្លាមដើម្បីស្វែងរក ឧទ្ធម្ភាគច្រនោះ បន្ទាប់ពីទទួលបានព័ត៌មាន ។ ឧទ្ធម្ភាគច្រ នេះត្រូវបានរកឃើញ នៅកសិដ្ឋាន Pham Van Hai ជាយក្រុងហូជីមិញ។
ឧទ្ធម្ភាគចក្រ UH1 ជាឧទ្ធម្ភាគចក្រយោធា ផលិតដោយក្រុមហ៊ុន Bell ហើយជាឧទ្ធម្ភាគចក្រពេញនិយមបំផុត និងជានិម្មិតសញ្ញារបស់វៀតណាម ក្នុងអំឡុងពេលសង្គ្រាម ។ឧទ្ធម្ភាគចក្រនេះឈ្មោះពេញរបស់វាគឺ US Marine Corps Huey ។
ឧទ្ធម្ភាគចក្រ UH1 មានប្រវែង ១៧.៤ ម៉ែត្រ កម្ពស់ ៤.៣៩ ម៉ែត្រ ទម្ងន់ ២៣៦៥ គីឡូក្រាម និងអាច
ផ្ទុកទម្ងន់បាន ៤១០០ គីឡូក្រាម និងទម្ងន់ផ្ទុកខ្ពស់បំផុតគឺ ៤៣០៩ គីឡូក្រាម ។ ឧទ្ធម្ភាគចក្រ UH1 មានអាចហោះហើរក្នុងល្បឿន ២១៧ គីឡូម៉ែត្រ ក្នុងមួយម៉ោង ៕
មតិយោបល់