បន្ទាយមានជ័យ៖ ជនសង្ស័យម្នាក់ត្រូវបាននគរបាលឃាត់ខ្លួនសួរនាំ ក្រោយពីមានឪពុកម្តាយក្មេងស្រីរងគ្រោះចំនួន២នាក់ក្នុងចំណោមក្នេងប្រុសស្រី១០នាក់ផ្សេងទៀត បានមកប្តឹងថា ជនសង្ស័យរូបនេះបានធ្វើសកម្មភាពចាប់រំលោភស្រីរបស់ពួកគាត់ជាបន្តបន្ទាប់ កាលពីពេលកន្លងទៅ នៅថ្ងៃទី ២៧ ខែមករា ឆ្នាំ២០១៥នេះ សមត្ថកិច្ចបានកសាងសំណុំរឿងបញ្ជូនទៅ តុលាការចាត់ការតាមច្បាប់។
អធិការនគរបាលស្រុកមង្គលបូរី លោក ស៊ី ឌី បានឲ្យដឹងថា ជនសង្ស័យមានឈ្មោះ មឿន សេត ភេទប្រុស អាយុ២១ឆ្នាំ ជាកម្មករសំណង់ រស់នៅភូមិតាសល ឃុំចំណោម ស្រុកមង្គលបូរី ជនសង្ស័យរូបនេះមានប្រពន្ធហើយនាងកំពុងមានផ្ទៃពោះ។ជនសង្ស័យត្រូវបាននគរបាលចាប់ខ្លួនកាល ពីវេលាម៉ោង១១ព្រឹកថ្ងៃទី២៦ ខែមករា ឆ្នាំ២០១៥កន្លងទៅ ជនសង្ស័យបានធ្វើសកម្មភាពចាប់ ក្មេងស្រីម្នាក់ឈ្មោះ ល ស វ អាយុ១២ឆ្នាំ ខណះដែលក្មេងស្រីរងគ្រោះជិះកង់ត្រលប់ពីសាលារៀនទៅផ្ទះ ដល់ទីស្ងាត់នៅចំនុចទំនប់ទឹកតាប៉ាង ជនសង្ស័យបានចាប់បណ្តួលកង់ហើយអូសក្មេងស្រីរងគ្រោះចូល ក្នុងព្រៃក្បែរនោះរួចរំលោភរហូតបានសម្រេចហើយក៏រត់គេចខ្លួនបាត់ស្រមោល។ក្រោយមកក៏មានពលរដ្ឋមកប្តឹងពីបញ្ហានេះ។
លោក សិទ្ធិ ឡោះ ស្នងការរងនគរបាលខេត្តបន្ទាយមានជ័យ ទទួលបន្ទុកការងារព្រហ្មទណ្ឌ័ បានឲ្យដឹងថា ក្រោយសួរនាំរកឃើញថា កាលពីថ្ងៃទី៦ ខែមករា កន្លងទៅជនសង្ស័យរូបនេះក៏ធ្លាប់ធ្វើ សកម្មភាព និយាយបន្លាចក្មេងប្រុសស្រីសិស្សសាលា៩នាក់ផ្សេងទៀត នៅចំនុចលើទំនប់កុងស៊ីគ្រា ដែលក្មេងរងគ្រោះទាំងនោះចេញពីរៀន ដោយជនសង្ស័យបានកុហកក្មេងទាំងនោះថានៅខាងមុខមាន គេចាំចាប់ក្មេងញាត់ការ៉ុងយកទៅលក់ ក្មេងទាំងនោះមានអារម្ភខ្លាចហើយក៏ត្រូវជនសង្ស័យនាំចូល ទៅពួនក្នុងព្រៃ តែក្មេងស្រីៗ៦នាក់ត្រូវជនសង្ស័យបង្គាប់ឲ្យដោះខោអាវចេញនិងបានឲ្យដេកក្នុងព្រៃ ភ្លាមនោះជនសង្ស័យបានរំលោភក្មេងស្រីម្នាក់បានសម្រេច តែត្រូវបានអ្នកស្រុកឆ្លងកាត់ទីនោះឃើញ ទាន់ក៏ស្រែក ធ្វើឲ្យជនសង្ស័យភ័យស្លន់ស្លោក៏បានរត់គេចខ្លួននិងបន្សល់ទុកស្បែកជើង ទើបក្រោយ ប្រព្រឹត្តជាលើកទី២សមត្ថកិច្ចចាប់ខ្លួនបាន ហើយក៏ដឹងថាបទល្មើសទាំង២ករណីគឺជនសង្ស័យតែមួយ៕
មតិយោបល់