ដោយសារតែការផ្សព្វផ្សាយពាណិជ្ជកម្មលើទូរស័ព្ទដៃកើនឡើង បានជួយជំរុញឲ្យប្រាក់ចំណូល Facebook កើនឡើងជិត ៥០​ភាគរយ នៅក្នុងត្រីមាសទី៤ ឆ្នាំ ២០១៤ ដោយបានយកឈ្នះលើការព្យាករណ៍របស់ក្រុមអ្នកវិភាគ។ នេះបើ​យោង​តាមការចុះផ្សាយរបស់​ Reuters នៅថ្ងៃទី២៩ ខែមករា ឆ្នាំ ២០១៥។

យោងតាមសេចក្ដីប្រកាសរបស់ Facebook បានឲ្យដឹងថា ប្រាក់ចំណូលសរុបនៅក្នុងត្រីមាសចុងឆ្នាំ ២០១៤ ទទួលបាន ៣,៨៥ពាន់​លានដុល្លារអាមេរិក ដោយក្នុងនោះ មាន ២,៤៨ពាន់លានដុល្លារអាមេរិក បានមកពីការផ្សព្វផ្សាយពាណិជ្ជកម្ម ដែលក្នុងនោះ ប្រាក់​ចំណូល​ខ្ពស់បានមកពីការផ្សព្វផ្សាយពាណិជ្ជកម្មតាមរយៈទូរស័ព្ទដៃ៕