ក្រុមហ៊ុនផលិតរថយន្ត Ford Motor បានប្រកាសឲ្យដឹងកាលពីថ្មីៗនេះ ថាប្រាក់ចំណេញសុទ្ធនៅក្នុងត្រីមាសចុងឆ្នាំ ២០១៤ បានធ្លាក់ចុះ ៩៨ភាគរយ ស្ទើតែមិនគួរឲ្យជឿ ប៉ុន្តែក្រុមហ៊ុនបានរំពឹងថា នៅក្នុងឆ្នាំ ២០១៥ នេះ នឹងជួបស្ថានភាពល្អប្រសើរឡើងវិញ។
ក្រុមហ៊ុន Ford បានឲ្យដឹងថា ប្រាក់ចំណេញសុទ្ធនៅក្នុងត្រីមាសទី៤ ឆ្នាំ ២០១៤ បានធ្លាក់ចុះ ៩៨ភាគរយ ដោយទទួលបានត្រឹមតែ ៥២លានដុល្លារអាមេរិកប៉ុណ្ណោះ ពោលគឺបានធ្លាក់ចុះពី ៣,០៤ពាន់លានដុល្លារអាមេរិកនៅឆ្នាំ ២០១៣។ លោក Mark Fields នាយកប្រតិបត្តិ Ford បានថ្លែងឲ្យដឹងថា ឆ្នាំ ២០១៤ គឺជាឆ្នាំប្រកួតប្រជែង និងជាឆ្នាំមិនល្អសម្រាប់ Ford ប៉ុន្តែសម្រាប់ឆ្នាំ ២០១៥ នេះ Ford នឹងជួបរឿងល្អ ហើយជោគជ័យច្រើន៕
ព័ត៌មានជាតិ
មតិយោបល់