ភ្នំពេញ ៖នារីម្នាក់បានរងរបួសបាក់ភ្លៅម្ខាង នឹងម្នាក់ទៀតរងរបួសស្រាល អ្នកទាំង២ជានិស្សិតឆ្នាំទី៤ រៀននៅសកលវិទ្យាល័យអាយយូខណះពួកនាងកំពុងធ្វើដំណើរដោយជិះម៉ូតូគុបជ្រុងឌុបគ្នាចេញពីសាលាឆ្ពោះ មកលំនៅដ្ឋាន ត្រូវរថយន្តដឹកសម្រាមរបស់ក្រុមហ៊ុនស៊ិនទ្រី បើកលឿនជ្រុលបុកពីក្រោយ ពេញទំហឹង កាលពីវេលាម៉ោង ១១ នឹង ២០ នាទីព្រឹកថ្ងៃទី ៣០
ខែមករា ឆ្នាំ ២០១៥ ស្ថិតនៅខាងត្បូងផ្សារស្ទឹងមានជ័យ ផ្លូវមុនីរ៉េត សង្កាត់ស្ទឹងមានជ័យ ខណ្ឌមានជ័យ ។សមត្ថកិច្ចបានអោយដឹងថា និស្សិតដែលរងរបួសបាក់ភ្លៅ ក្នុងហេតុការណ៍ខាងលើមានឈ្មោះ អ៊ឹង សុនីតា ភេទស្រី អាយុ ២៥ ឆ្នាំ ជានិស្សិតឆ្នាំទី ៤ ស្នាក់ភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ នឹងនារីម្នាក់រងរបួសស្រាលមិនបានស្គាល់អត្តសញ្ញាណទេ ដោយសារនាងមិនប្រាប់ ។ ចំណែកអ្នកបើកបរថយន្តបង្កក្រោយកើតហេតុបានចុះរត់គេចខ្លួនបាត់ ស្រមោលទុករថយន្តចោលត្រង់ចំណុចកើតហេតុ ។
សមត្ថកិច្ចបានបន្តថា មុនពេលមានគ្រោះថ្នាក់នេះ នារីរងគ្រោះទាំងពីរនាក់ បានជិះម៉ូតូ គុបជ្រុង ៥០ មួយគ្រឿង ពណ៌ទឹកប៊ិច ពាក់ស្លាកលេខ ភ្នំពេញ 1AF 8953 ធ្វើដំណើរចុះពីស្ពានអាកាសស្ទឹងមានជ័យ ចុះតាមផ្លូវមុនីរ៉េត ទិសដៅពីជើងទៅត្បូង លុះជិះហួសផ្សាស្ទឹងមានជ័យជាង ១០០ ម៉ែត្រ ស្របពេលមានរថយន្តស៊ិនទ្រី ប្រមូលសម្រាមមួយគ្រឿងកំពុងបើកបរពីក្រោយ ល្បឿនលឿន ហើយទំនងចាប់ហ្វ្រាំងមិនស៊ី ក៏ជ្រុលបុកម៉ូតូរបស់នារីរងគ្រោះទាំងពីរពេញទំហឹង បណ្តាលអោយម៉ូតូនឹងអ្នកឌុបខ្ទាតមកខាងស្តាំដៃ ឬឯនារីឈ្មោះ អ៊ឹង សុនីតា ជាអ្នកជិះក្រោយម៉ូតូបានធ្លាក់ពីលើម៉ូតូ ខ្ទាតខាងឆ្វេងដៃ ត្រូវកងក្រោយរបស់រថយន្តស៊ិនទ្រី កិនចំចំហៀងភ្លៅខាងឆ្វេង បាក់ឆ្អឹងខ្ទេច រងរបួសយ៉ាងធ្ងន់ធ្ងរ ។ សមត្ថកិច្ចបានបញ្ជាក់ថាក្រោយកើតហេតុ ក៏មានរថយន្តសង្គ្រោះបន្ទាន់មកដឹកយកនារីដែលរងរបួសធ្ងន់ទៅសង្គ្រោះនៅមន្ទីរពេទ្យមិត្តភាពខ្មែរសូវៀត (រុស្ស៊ី) ភ្លាម ។
ចំណែកអ្នកបើកបរថយន្តបង្ករួមជាមួយអ្នកដើរប្រមូលសម្រាមដាក់ក្នុងឡានបាននាំគ្នារត់គេចខ្លួនបាត់អស់តែម្តង ។ ដូច្នេះបន្ទាប់ពីមានករណីចរាចរណ៍នេះ ដើម្បីការកក់ស្ទះចរាចរ សមត្ថកិច្ចមូលដ្ឋានបានសហការជាមួយនគរបាលជំនាញ ចុះអន្តារាគមន៍ភ្លាមៗ នឹងវាស់វែងអូសយករថយន្តបង្ក នឹងម៉ូតូគុបជ្រុង របស់នារីរងគ្រោះទៅរក្សាទុកនៅការិយាល័យចរាចរផ្លូវគោករាជធានីភ្នំពេញ រង់ចាំរកដំណោះស្រាយនាពេលក្រោយ ៕
មតិយោបល់