ការសិក្សាថ្មីបានបញ្ជាក់ថា ការប្រើប្រាស់ឧបករណ៍អេឡិចត្រូនិក នៅមុនពេលចូលគេង មានផលប៉ះពាល់យ៉ាងធ្ងន់ធ្ងរ ចំពោះក្មេងវ័យជំទង់ នេះបើយោងតាមការចុះផ្សាយរបស់ Channel News Asia។
វេជ្ជបណ្ឌិតមកពីសកលវិទ្យាមួយនៅសហរដ្ឋអាមេរិក បានបញ្ជាក់ឲ្យដឹងជាផ្លូវការថា ក្មេងជំទង់ដែលប្រើប្រាស់កុំព្យូទ័រ ឬឧបករណ៍អេឡិចត្រូនិក នៅមុនពេលចូលគេ បានធ្វើឲ្យប៉ះពាល់យ៉ាងខ្លាំង ប៉ុន្តែមិនបានបញ្ជាក់ថាផលប៉ះពាល់នោះមានកម្រិតណា ហើយក៏មិនបញ្ជាក់ថា ប៉ះពាល់ទៅលើអ្វីខ្លះដែរ គ្រាន់តែបានដាស់តឿនដល់អាណាព្យាបាលទាំងអស់ឲ្យយកចិត្តទុកដាក់ចំពោះបញ្ហានេះ។
តាមរយៈការស្រាវជ្រាវ និងស៊ើបអង្កេតទៅលើក្មេងវ័យជំទង់ ១ពាន់នាក់ ដែលមានអាយុចាប់ពី ១៦ដល់១៩ឆ្នាំ បានរកឃើញពួកគេរងផលប៉ះពាល់យ៉ាងខ្លាំង ដោយសារតែពួកគេបានប្រើប្រាស់ឧបករណ៍អេឡិចត្រូនិកច្រើនម៉ោងនៅមុនពេលចូលដេក។
ការប្រើឧបករណ៍អេឡិចត្រូនិកប្រមាណជា ៣០នាទី នៅមុនពេលចូលគេងក៏រងផលប៉ះពាល់ផងដែរ តែតិចជាងការប្រើប្រាស់ច្រើនម៉ោង។ វេជ្ជបណ្ឌិតបានលើកឡើងថា ក្មេងវ័យជំទង់ត្រូវការពេលវេលាយ៉ាងតិច ៧ម៉ោង ដើម្បីដេក ហើយបើសិនជាពួកគេប្រើឧបករណ៍អេឡិចត្រូនិកច្រើនម៉ោងមុនពេលចូលដេកនោះ វាបានកាត់បន្ថយចំនួនម៉ោងដែលត្រូវដេក និងរងនូវផលប៉ះពាល់ផ្សេងជាច្រើនទៀត៕
មតិយោបល់