ភ្នំពេញ៖ បន្ទាប់ពីអ្នកបើកបរ រថយន្តក្រុងសាធារណៈ របស់សាលារាជធានីភ្នំពេញចំនួន១១នាក់
នាំគ្នាធ្វើកូដកម្ម នៅចំណតមួយកន្លែងក្បែរផ្សាររាត្រី ក្នុងខណ្ឌដូនពេញ រាជធានីភ្នំពេញ ដើម្បីទាមទារដំឡើងប្រាក់ខែ និង ប្រាក់ឧបត្ថម្ភឲ្យបានដល់ ៣០០ដុល្លារអាមេរិកនោះ អ្នកនាំពាក្យសាលារាជធានីភ្នំពេញ លោក ឡុង ឌីម៉ង់ បានចេញមុខអះអាងថា សាលារាជធានី មិនបានសន្យាតំឡើងប្រាក់ខែដល់ដូចការទាមទារនោះទេ។
នៅព្រឹកថ្ងៃទី០៣ ខែកុម្ភៈ ឆ្នាំ ២០១៥ នេះ លោក លោក ឡុង ឌីម៉ង់ អ្នកនាំពាក្យសាលារាជធានីភ្នំពេញ បានអះអាងថា សាលារាជធានី មិនដែលបានសន្យាជាមួយ អ្នកបើកបររថយន្ត ក្រុងសាធារណៈ ថានឹងតំឡើងប្រាក់ខែ របស់ពួកគេ ដល់ ៣០០ដុល្លារអាមេរិកនោះទេ ហើយបានគំរាមដល់អ្នកបើករថយន្តក្រុងទាំងនោះថា ក៏មិនអាចទាមទារប្រាក់ឈ្នួល ដូចកម្មករ បុគ្គលិកនៅក្នុងក្រុមហ៊ុនឯកជននោះដែរ។
លោក ឡុង ឌីម៉ង់ បាននិយាយថា «យើងអត់មានកិច្ចសន្យាអ្វីជាមួយគាត់ ទេ ពេលដែលគាត់ចូលមក(ធ្វើការ)ហ្នឹង បើសិនជាគាត់ពេញចិត្ត គាត់អាចនៅធ្វើការបន្តជាមួយយើង បើគាត់ មិនពេញចិត្ត គាត់អាចឈប់បាន រកការងារឯកជនធ្វើចុះ អត់បញ្ហាទេ ព្រោះយើងអត់មានលទ្ធភាពទេ ហើយយើងបានដោះស្រាយបញ្ហាហ្នឹង ដោយរកអ្នកជំនួសបានហើយ»៕
មតិយោបល់