តៃប៉ិ៖ យន្តហោះដឹកអ្នកដំណើររបស់ក្រុមហ៊ុនអាកាសចរណ៍តៃវ៉ាន់ TransAsia B22816 ផ្ទុកអ្នកដំណើរ ៥៣នាក់ បានធ្លាក់នៅក្នុងទន្លេ Keelung ទីក្រុងតៃប៉ិ កោះតៃវ៉ាន់ នេះបើយោងតាមការចុះផ្សាយរបស់ Channel News Asia ចេញផ្សាយនៅព្រឹកថ្ងៃទី ០៤ ខែកុម្ភៈ ឆ្នាំ ២០១៥ ដោយនេះជាករណីធ្លាក់យន្តហោះដំបូងគេបង្អស់សម្រាប់ឆ្នាំ ២០១៥។
យោងតាមសាក្សីនៅកន្លែងកើតហេតុបានឲ្យដឹងថា យន្តហោះ TransAsia បានធ្លាក់នៅវេលាម៉ោងប្រហែលជា ១០៖៣០នាទីព្រឹក ដែលក្រោយពីការធ្លាក់ ឃើញមានមនុស្ស ប្រមាណជាជិត ១០នាក់ បានវាចេញពីយន្តហោះ ប៉ុន្តែមិនទាន់ដឹងច្បាស់ថាមានមនុស្សស្លាប់ប៉ុន្មាន និងរបួសប៉ុន្មានឡើយ។
គួរបញ្ជាក់ផងដែរថា កាលពីខែកក្កដា ឆ្នាំ ២០១៤ យន្តហោះក្រុមហ៊ុនអាកាសចរណ៍ TransAsia បានប៉ុនប៉ងចុះចតនៅក្នុងកោះតៃវ៉ាន់ ដោយសារតែបញ្ហាអាកាសធាតុ មានព្យុះ ដោយបានសម្លាប់មនុស្ស ៤៨នាក់៕
មតិយោបល់