តៃប៉ិ៖ នៅរសៀលថ្ងៃទី០៦ ខែកុម្ភៈ ឆ្នាំ២០១៥ នេះ អាជ្ញាធរតៃវ៉ាន់ បានប្រកាសឲ្យដឹងថា អាស្រ័យលើទិន្នន័យនៅក្នុងប្រអប់ខ្មៅ បានបញ្ជាក់ថា ម៉ាស៊ីនរបស់យន្តហោះ TransAsia
បានកើតមានបញ្ហា បន្ទាប់ពីហោះឡើងបានប្រមាណជា ២នាទី ទើបពីឡុត បានសម្រេចចិត្តចុះចតនៅទៅក្នុងទន្លេ។
នៅព្រឹកថ្ងៃនេះផងដែរ សាកសពពីឡុតត្រូវបានរកឃើញ និងស្រងចេញពីទឹក ដោយលោកបានកាន់ឧបករណ៍បញ្ជាយន្តហោះនៅជាប់នឹងដៃ ហើយការធ្លាក់យន្តហោះនេះ មហាជនបានចាត់ទុកពីឡុតជាវិរជន ដែលបានសម្រេចចិត្តចុះចតនៅក្នុងទន្លេដើម្បីជួយសង្គ្រោះជីវិតអ្នកដំណើរ បើទោះបីជាអ្នកដំណើរបានស្លាប់រហូតដល់ ៣៥នាក់ក្ដី ប៉ុន្តែវាជាការសម្រេចចិត្តដែលល្អបំផុត។
គួរបញ្ជាក់ផងដែរថា គួរបញ្ជាក់ផងដែរថា នៅលើយន្តហោះបានផ្ទុកមនុស្ស ៥៨នាក់ ដែលរួមមានទាំងអ្នកដំណើរ និងសហនាវិក ដោយបានធ្លាក់ចុះក្នុងទន្លេ Keelung River ទីក្រុងតៃប៉ិ កោះតៃវ៉ាន់ នៅវេលាម៉ោង ១០៖៥៦នាទីព្រឹក ថ្ងៃពុធ ដោយមកដល់ពេលនេះ ចំនួនអ្នកស្លាប់បានកើនឡើងដល់ ៣៥នាក់៕
មតិយោបល់