ប្រធានាធិបតីបារាំង លោក Francois Hollande និងអធិការបតីអាល្លឺម៉ង់ លោកស្រី Angela Merkel គ្រោងធ្វើដំណើរទៅកាន់ទីក្រុងម៉ូស្គូ ប្រទេសរុស្ស៊ី ដើម្បីជួបចរចាបញ្ចប់ជម្លោះនៅភាគខាងកើតប្រទេសអ៊ុយក្រែន និងដើម្បីបង្កើតចំណងមិត្តភាព សន្ដិភាពឡើងវិញ នេះបើយោងតាមការចេញផ្សាយរបស់ CNN ចេញផ្សាយនៅថ្ងៃទី០៦ ខែកុម្ភៈ ឆ្នាំ ២ឥ១៥។
មេដឹកនាំទាំងពីរខាងលើនឹងទៅជួបប្រធានាធិបតីរុស្ស៊ី លោក ពូទីន បន្ទាប់ពីបានជួបជាមួយនឹងមេដឹកនាំប្រទេសអ៊ុយក្រែននៅក្នុងទីក្រុង Keiv។ នេះជាការជំរុញការទូតថ្មី ដើម្បីបញ្ចប់ជម្លោះព្រំដែនភាគខាងកើតប្រទេសអ៊ុយក្រែន ដោយបានប៉ះពាល់យ៉ាងធ្ងន់ធ្ងរទៅលើជនស៊ីវិល។
លោក Hollande បានថ្លែងឲ្យដឹងនៅថ្ងៃនេះថា លោក និងលោកស្រី Merkel បានស្នើជំរុញឲ្យមានការចរចាថ្មីមួយជាមួយប្រទេសរុស្ស៊ី “ដោយផ្អែកលើបូរណភាពតឹកដីនៃប្រទេសអ៊ុយក្រែន”។ អ្នកនាំពាក្យរបស់រដ្ឋាភិបាលក្រុងម៉ូស្គូ បានថ្លែងឲ្យដឹងថាជំនួបកំពូលនេះ “ជាជំហានវិជ្ជមានមួយក្នុងការដោះស្រាយវិបត្តិនៅអ៊ុយក្រែន”៕
ព័ត៌មានជាតិ
មតិយោបល់