ភ្នំពេញ៖ កាលពីវេលាម៉ោង ១០៖៣០នាទីយប់ថ្ងៃទី០៨ ខែកុម្ភៈ ឆ្នាំ២០១៤ មានករណីអគ្គិភ័យ ឆេះតូបលក់ដូរក្នុងផ្សារ អូរឫស្សី ខូចខាតអស់ ១០តូបចាប់ពីតូប លេខ ខ(21) 21 ដល់ 30 ក្នុងនោះរួមមាន៖
-តូបលក់ហូបចុកមាន5តូប
( កាហ្វេ គុយទាវ3តូប , លក់បាយ1តូប, លក់នំបញ្ចុក1តូប )
-តូបលក់ចាប់ហ៊ួយមាន2តូប ,
-តូបលក់នំស្បោង1តូប និង លក់ល្បែងក្មេងលេង គ្រឿងជ័រ2តូប
តាមការពិនិត្យជាក់ស្តែងអគ្គីភ័យឆេះចេញពីតូប ខ(21)21 លក់បាយ មានចង្ក្រានក្នុងតូប ។ កងកម្លាំងបាន ជួយពន្លត់ភ្លើងរលត់ចប់ជាស្ថាពរនៅ ម៉ោង11:30នាទី ដោយប្រើបំពង់អគ្គីភ័យ71បំពង់ និង ទឹកអស់ 18ឡាន ។ ក្រោយពីពន្លត់ចប់ទាំងស្រុង កម្លាំងបានធ្វើការបោសជូតសម្អាតនិង ធ្វើការរៀបចំសណ្តាប់ធ្នាប់រៀបរៀបរយ ជូនអាជីវករដែលមានតូបមិនប៉ះពាល់លក់ដូរជាធម្មតា ។
ទំហំខូចខាតមាន:
-នៅតូបហូបចុកលេខខ(21)21-22- 28-29-30 មានចានឆ្នាំងចង្ក្រាន និង របស់របរមួយចំនួន
-តូបលក់នំស្បោង លេខខ(21)23 មាននំកញ្ចប់ មួយចំនួន
-តូបលក់ចាប់ហ៊ួយលេខខ(21)24- 25 មានម្ទេស មីសួរ មីដុំ ខ្ទឹម ប៊ីចេង ចង្កិះ ចង្កាក់ និងគ្រឿងទេសមួយចំនួន
-តូបលក់គ្រឿងជ័រ ល្បែងក្មេង លេខ ខ(21)26-27 មានកូនឡានជ័រ ប្រដាប់ក្មេងលេងជាដើម
ក្រៅពីខូចខាតតូបក្នុងហេតុការខាងលើមិនមានប៉ះពាល់ រឺ ខូចខាតបាត់បង់ អ្វីផ្សេងទៀតនោះឡើយ៕
ព័ត៌មានជាតិ
មតិយោបល់