ការថែរក្សាសុខភាព និងសម្រស់គឺជាចំណុចសំខាន់ដែលមនុស្សគ្រប់គ្នា គ្រប់វ័យតែងតែយកចិត្តទុកដាក់ ជាពិសេសគឺសម្រាប់មនុស្សស្រី សម្រស់គឺជារឿងសំខាន់បំផុត។
សកម្មភាព របបទទួលទាន និងទង្វើប្រចាំថ្ងៃមួយចំនួនបានជួយឲ្យសុខភាព និងសម្រស់របស់អ្នកនៅក្មេងជាវ័យ គ្រាន់តែចំណុចមួយចំនួនលោកអ្នកមិនបានដឹងតែប៉ុណ្ណោះ។ នៅពេលនេះ ដំណឹង សូមបញ្ហានូវអាហារ ៥យ៉ាងដែលធ្វើឲ្យសម្រស់របស់អ្នកមើលទៅក្មេងជាងវ័យ។
១. ដំឡូងផ្អែម
សារធាតុការ៉ូបានធ្វើឲ្យសាច់ដំឡូងមានពណ៌ក្រហម និងមានរសជាតិផ្អែម និងបានជួយប្រយុទ្ធប្រចាំទៅលើកោសិកាដែលបណ្ដាលឲ្យមានភាពចាស់ នៅពេលពេលទទួលទានដំឡូងផ្អែមច្រើនវាបានជួយឲ្យស្បែកស្អាត។
២. ត្រីសាម៉ុង
តាមការសិក្សាបានរកឃើញថា ការញ៉ាំត្រីសាម៉ុង ក្នុងរយៈពេល ៥ថ្ងៃម្ដង បានជួយការជំងឺមហារីក ជាពិសេសបានបង្កើតនូវកោសិកាដែលខូច រួមនឹង DNA ព្រមទាំងបានធ្វើឲ្យស្បែកស្អាត និងសម្រស់ក្មេងជាងវ័យ។ ប្រជាជនជប៉ុនភាគច្រើនចូលចិត្តញ៉ាំត្រីសាម៉ុង ជាពិសេសស្ត្រីដែលជាហេតុធ្វើឲ្យស្ត្រីជប៉ុនមានអាយុច្រើនជាងគេលើកលោក។
៣. ប៉េងប៉ោះ
ជាអាហារដែលងាយស្រួលរក ហើយភាគច្រើនគេតែងតែយកវាទៅធ្វើជាបន្ថែម និងម្អូប។ សារធាតុពណ៌ក្រហមដែលនៅជាប់នឹងសាច់ប៉េងប៉ោះសម្បូរដោយសារតែប្រឆាំងអុកស៊ីតកម្មដ៏ខ្លាំងក្លា ដែលជាស្រទាបការពារស្បែកពីពន្លឺព្រះអាទិត្យ។ អត្ថប្រយោជន៍ជាច្រើនទៀតរបស់ប៉េងប៉ោងនឹងទទួលបាននៅពេលដែលលោកអ្នកញ៉ាំវាជាមួយនឹងប្រេងអូលីវ។
៤. អាហារពពួកផ្លែក្រូច
វីតាមីន C បានត្រូវបានបង្កើតឡើងដើម្បីជួយឲ្យស្បែកមើលទៅក្មេងជាងវ័យ កម្ចាត់ភាពចាស់ជ្រាវជ្រួញ ជួយការពារកម្ដៅ UV ហើយវាត្រូវបានគេរកឃើញច្រើនបំផុតនៅក្នុងពពួកផ្លែក្រូច។
៥. ពពួកអាហារបៃតង
ពពួកអាហារដែលមានពណ៌បៃតង់សុទ្ធតែមានអត្ថប្រយោជន៍ ជាពិសេសគឺវាបានជួយការពារស្បែកពីការរលាកដោយថាមពលព្រះអាទិត្យ ផ្ទុយទៅវិញ វាបានជួយលុបបំបាត់ស្នាមជ្រួញ និងបង្កើតសម្រស់ឲ្យក្មេងជាងវ័យ៕
មតិយោបល់