ភ្នំពេញ៖ យោងតាមទំព័រ Facebook របស់អគ្គនាយកទូរទស្សន៍ជាតិ លោក គឹម គុណវឌ្ឍ បានឲ្យដឹងថា ស្ពានអ្នកលឿង ឫ ស្ពាន ស៊ូបាសា នឹងត្រូវដាក់សម្ពោធឲ្យប្រើប្រាស់ជាផ្លូវការនៅ ថ្ងៃទី០១ ខែមេសា ឆ្នាំ២០១៥នេះ មុនចូលឆ្នាំប្រពៃណីខ្មែរ។
នៅក្នុងទំព័រ Facebook របស់អគ្គនាយកទូរទស្សន៍ជាតិ បានសរសេរថា «ស្ពានអ្នកលឿងដែលជាចំណងដៃជំនួយដ៏ពិសិដ្ឋពីរដ្ឋាភិបាល និងប្រជាជនជប៉ុនជាបងប្អូន ជូនដល់ប្រជាជនកម្ពុជាក្នុងសម័យតេជោ នឹងបើកសម្ពោធជាផ្លូវការជូនប្រជាពលរដ្ឋលោកធ្វើចរាចរជាសាធារណៈ នៅថ្ងៃទី០១ ខែមេសា ឆ្នាំ២០១៥ មុនបុណ្យចូលឆ្នាំខ្មែរ ក្រោមអធិបតីភាពដ៏ខ្ពង់ខ្ពស់បំផុត សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា»។
គួរបញ្ជាក់ផងដែរថា ស្ពានអ្នកលឿង ជាប្រភេទស្ពានហាយវ៉េ ឆ្លងទន្លេមេគង្គ ភ្ជាប់ពីខេត្តកណ្តាល ទៅខេត្តព្រៃវែង និងឆ្ពោះទៅខេត្តស្វាយរៀង មានប្រវែងបណ្ដោយ ២២១៥ម៉ែត្រ ទទឹង ១៣ម៉ែត្រកន្លះ ដែលបានចាប់ផ្តើមបើកការដ្ឋានសាងសង់នៅថ្ងៃទី១២ កុម្ភៈ ២០១១ ចំណាយទឹកប្រាក់អស់ប្រមាណ ១៣០លានដុល្លារអាមេរិក។ ស្ពានអ្នកលឿង ជាស្ពានមួយតភ្ជាប់ស្រុកពីរ ស្ថិតនៅត្រើយម្ខាងម្នាក់ នៃទន្លេមេគង្គក្រោម នៃស្រុកលើកដែក ខេត្តកណ្ដាល និងស្រុកពាមរ ខេត្តព្រៃវែង៕
មតិយោបល់