កំពង់ធំ៖ប្រជាពលរដ្នរាប់ពាន់គ្រួសារទូទាំងខេត្តកំពង់ធំដែលបានប្រើប្រាស់ភ្លើងអគ្គិសនីមានប្រតិកម្មចំពោះក្រុមហ៊ុនភ្លើងអគ្គិសនីដែលបានធ្វើការពិន័យ ជាទឹកប្រាក់ ក្នុង១វិក័យប័ត្រ ពី១០០០០រៀលទៅ១២០០០រៀល ការធ្វើបែបនេះប្រជាពលរដ្នខឹងសម្បាឈ្លោះប្រកែកគ្នានិងនិយាយតគ្នាពេញទាំងក្រុងស្ទឹងសែន។តាមប្រភពព័ត័មានពីប្រជាពលរដ្នបានអោយដឹងថា ក្នុងវិក័យប័ត្រ កំណត់ថ្ងៃទី២០ទើបផុតកំណត់ថ្ងៃបង់លុយតែដោយសារប្រជាពលរដ្នមមាញឹកក្នុងការងារប្រកបមុខរបររកស៊ីចំពេលចូលឆ្នាំចិនផង អ្នកខ្លះបានយកលុយទៅបង់ដែរតែចំពេលដែលកន្លែងទទួលលុយបង់ភ្លើងមិនធ្វើការហើយបន្ទោសប្រជាពលរដ្នថាមិនយកលុយទៅបង់ ត្រង់កន្លែងខ្លួនអត់ធ្វើការម៉េចមិនគិតផង រួចយកលេសធ្វើការផាកពិន័យ១០០០០រៀល ជាថ្នូរក្នុងការភ្ជាប់ចរន្ដឡើងវិញ ទង្វើបែបនេះធ្វើអោយមហាជនទូទៅបានរឹះគន់ចំពោះក្រុមហ៊ុនអគ្គិសនី ដែលមិនចេះអធ្យាស្រ័យដល់ប្រជាពលរដ្នក្រីក្រ តែចំពោះអ្នកមានលុយមិនអីនោះ ទេ ក្នុងការផាក់ពិន័យនេះធ្វើតែប្រជាពលរដ្នស្លូតត្រង់តូចតាចតែចំពោះអ្នកមានបុណ្យស័ក្កគឺមិនហ៊ានផាកនោះទេ ។
ក្នុងនោះដែរមហាជនបានរឹះគន់ថា ក្រុមហ៊ុនភ្លើងអគ្គិសនីនេះថាបានបង្កើតកន្លែងបង់លុយតែមួយ ពេលប្រជាពលរដ្នមកបង់លុយច្រើនសន្ធឹកសន្ធាប់ធ្វើអោយកកស្ទះ និងយឺតយ៉ាតដោយការរងចាំយូរពេក អ្នកខ្លះត្រឡប់ទៅផ្ទះវិញ ថ្ងៃបន្ទាប់ ចំពេលថ្ងៃសៅរ៍កន្លែងបង់លុយធ្វើការតែ១ព្រឹកធ្វើអោយអ្នកខ្លះបានបង់ខ្លះមិនបានបង់ នេះជាលេសដែលក្រុមហ៊ុនភ្លើងអគ្គិសនីធ្វើការផាកពិន័យ ត្រង់ភ្លើងឡើងចុះ ដាច់១ថ្ងៃ១០ដង ខូចខាត់របស់របរប្រជាពលរដ្នមិនឃើញសងប្រជាពលរដ្នផង ក្នុងនោះក៏សំណូមពរអោយបង្កើតកន្លែងបង់លុយ ១ ឬ២កន្លែងកុំអោយមានការកកស្ទះ កុំអោយមានលេសក្នុងការផាក់នេះទៀត។
លោក ចន្ថា ប្រធានមន្ទីររ៉ែនិងថាមពល ខេត្តកំពង់ធំបានប្រាប់អោយដឹងថាក្នុងច្បាប់របស់អគ្គិសនីកម្ពុជាបានសរសេរថាក្នុងបន្ទាប់ពីរអតិជនទទួលបានវិក័យប័ត្រភ្លើងរយះពេល៧ថ្ងៃអត់ទៅបង់នោះគឺខាងក្រុមហ៊ុនមានសិទ្ធផាកពិន័យចំនួនមិនលើសពី១០០០0រៀលទេ តែប្រជាពលរដ្នសំណូមពរអោយក្រុមហ៊ុនភ្លើង អគ្គិសនីយោយល់អាធ្យាស្រ័យ ដល់ប្រជាពលរដ្នក្រីក្ររកព្រឹកខ្វះល្ងាចផងតែចំពោះអ្នកមានលុយមិនអីទេ៕
មតិយោបល់