បន្ទាយមានជ័យ៖ នគរបាលខេត្តបន្ទាយមានជ័យចំនួន៦នាក់ត្រូវបានក្រសួងមហាផ្ទៃកម្ពុជាសម្រេចបណ្តេញចេញផុតពីក្របខណ្ឌមន្ត្រីនគរបាលជាតិ ។
មន្ត្រីនគរបាលដែលត្រូវបានក្រសួងមហាផ្ទៃសម្រេចដកហូតឋានន្តរសតិ្ត និងបណ្តេញចេញផុតពីក្របខណ្ឌរួមមាន អនុសេនីយ៍ត្រី ប៊ុន វី ព្រិន្ទបាលឯក ខុន ឆាយយ៉ា ព្រិន្ទបាលទោ ចាន់ ប៊ុនណ្ណាវឌ្ឍន៍ ព្រិន្ទបាលទោ រស់ សទ្ធា ពលបាលទោ លឹម វីរ៉ា ពលបាលទោ ទេព គឹមលៀប ។
សេចក្តីសម្រេចរបស់ក្រសួងនេះត្រូវបានគេ ប្រកាសដល់នគរបាលទូទាំងខេត្ត កាលពីថ្ងៃច័ន្ទ ទី២៣ កុម្ភះ ២០១៥ ដោយលើកពីមូលហេតុថា បោះបង់ចោលការងារដោយឡែកប្រាក់បៀវត្សរ៍ និងរបបឧបត្ថម្ភផ្សេងៗ ត្រូវបានកាត់ផ្តាច់ពីក្របខណ្ឌមន្ត្រីនគរបាលជាតិ ចាប់ពីខែមីនា ២០១៥ តទៅ ។ សូមបញ្ចាក់ថា ការសម្រេចរបស់ក្រសួងមហាផ្ទៃ ក្នុងការលុបឈ្មោះទាំង៦នាក់នេះបន្ទាប់ពីស្នងការនគរបាលខេត្តបន្ទាយមានជ័យ បានស្នើរទៅអគ្គស្នងការនគរបាលជាតិលុនឈ្មោះ នៅមន្ត្រីនគរបាលចំនួន១៣នាក់ កាលពីចុងឆ្នាំ២០១៤ ដោយយោងថា មន្ត្រីនគរបាលទាំងនេះមិនគោរពទៅតាមលក្ខន្តិកៈ ដោយឡែកនៃក្របខណ្ឌមន្ត្រីនគរបាលជាតិកម្ពុជា និងវិន័យកងកំលាំងនគរបាលជាតិ ។ ជាមួយនិងការលុបឈ្មោះរបស់ក្រសួង ទៅលើមន្ត្រីនគរបាលចំនួន៦រូបនេះធ្វើអោយនគរបាលទូទាំងខេត្ត ក្រោមការដឹកនាំរបស់លោក អាត់ ខែម ជាស្នងការ ដែលកំពុងតែរឹតបណ្តឹងទៅលើវិន័យ និងលុបបំបាត់ភាពអសកម្មនានារបស់នគរបាលក្នុងខេត្ត ហើយបច្ចុប្បន្ននគរបាលខេត្តបន្ទាយមានជ័យ កំពុងតែលេចធ្លោ ពលរដ្ឋមានទំនុកទុកចិត្ត និងអោយតំលៃនោះ ធ្វើអោយមន្ត្រីខ្លះដែលធ្លាប់តែសេរីមិនចូលធ្វើការ និងប្រព្រឹត្តិទង្វើរផ្សេង ៗ កំពុងតែមានការព្រួយបារម្ភ ទៅលើចំណាត់ការដ៏តឹងរឹងនេះ ៕
មតិយោបល់