ក្រសួងការបរទេសបាននិយាយកាលពីថ្ងៃព្រហស្បតិ៍ថា រដ្ឋមន្ត្រីការបរទេស អាម៉េរិក លោក John Kerry នឹងជួបប្រជុំជាមួយសមីភាគីអ៊ីរ៉ង់ និង រុស្ស៊ី របស់លោកនៅប្រទេសស្វីស នា សប្តាហ៍ក្រោយនេះ ដោយផ្តោតកិច្ចពិភាក្សាទៅលើស្ថាន ការណ៍នៅក្នុងប្រទេស អ៊ុយក្រែន ភាគខាងកើត និងកិច្ចចរចានុយក្លេអ៊ែរ ជាមួយក្រុងតេអេរ៉ង់ ។
ស្ត្រីអ្នកនាំពាក្យ លោកស្រី Jennifer Psaki បានប្រាប់ពួកអ្នកយកព័ត៌មានថា លោក Kerry ដែលគ្រោងនឹងទៅកាន់ទីក្រុងហ្សឺណែវ នាថ្ងៃចន្ទក្រោយនេះនឹងពិភាក្សាពីបញ្ហានៅក្នុងប្រទេស អ៊ុយក្រែន និង បញ្ហាក្នុងតំបន់ដទៃទៀត ដែលជាផលប្រយោជន៍រួមជាមួយរដ្ឋមន្ត្រី ការបរទេស រុស្ស៊ីលោក ហ្សឺហ្គេឡាវរ៉ូវ ។
លោកស្រីបាននិយាយថា បេសកជនអាម៉េរិកកំពូលរូបនេះនឹងធ្វើដំណើរទៅកាន់ទីក្រុង Montreux មួយផ្សេងទៀតរបស់ប្រទេសស្វីស សម្រាប់កិច្ចប្រជុំជាមួយរដ្ឋមន្ត្រីការបរទេសអ៊ីរ៉ង់ លោក មហាម៉េដ-ហ្សាវ៉ាដ ហ្សារីស ធ្វើជាផ្នែកមួយនៃកិច្ចខិតខំប្រឹងប្រែងដ៏ទូលាយ មួយ ដោយ សហរដ្ឋអាម៉េរិក អង់គ្លេស បារាំង រុស្ស៊ី ចិន បូកនិងប្រទេសអាល្លឺម៉ង់ ដែលគេស្គាល់ថា ជា ក្រុមប្រទេស P5+1 ដើម្បីពិ គ្រោះ យោបល់គ្នាឱ្យកាន់តែប្រសើរឡើងនូវ កិច្ចព្រមព្រៀង ស្តីអំពីកម្មវិធីនុយក្លេអ៊ែរ ដ៏ចំម្រូងចំម្រាស់របស់អ៊ីរ៉ង់ ដោយបញ្ចប់នៅត្រឹមខែមិថុនាខាងមុខនេះ ៕
មតិយោបល់