កីឡាករសញ្ជាតិហុល្លង់ បានទទួលរងរបួស ក្នុងអំឡុងពេលដែល ក្លិបបិសាចក្រហមចាញ់ក្ងានព្រៃ Swansea ដោយលទ្ធផល ២ ទល់នឹង ១ កាលពីចុងសប្តាហ៍កន្លងទៅនេះ ។
កីឡាករ Van Persie បានចាកចេញពីទីលាន ពហុកីឡដ្ឋាន Liberty Stadium ដោយប្រើប្រាស់ឈើច្រត់ ដែលកំពុងប្រឈមនឹង ការផ្អាកលេងមួយរយៈ ។
ជាមួយនឹងបញ្ហារបួសនេះ លោក Van Gaal មិនបានបញ្ជាក់ឲ្យហ្មត់ចត់នោះទេ ថាសម្រាកលេងរយៈពេលប៉ុន្មាន ដោយនិយាយខ្លីថា អាចនឹងយូរ តែប៉ុណ្ណោះ ។
គាត់មានបញ្ហារបួស កជើង តែមិនមែនជាបញ្ហាធ្ងន់ធ្ងរនោះ ប៉ុន្តែរបួសនេះ អាចសម្រាកពេលយូរ ដែលមិនមែន ១ ឬ ២ សប្តាហ៍ ។ នេះបើតាមសម្តី អ្នកចាត់ការហុល្លង់ និយាយបន្ត ។
និយាយជារួមមក ខ្សែប្រយុទ្ធរូបនេះ ជាក់ណាស់នឹងអវត្តមាន សម្រាប់ការប្រកួត នៅថ្ងៃសៅរ៍នេះ ពេលទទួលភ្ញៀវ ឆ្មាខ្មៅ Sunderland លើទឹកដី ខ្លួន ។
តែទោះជាយ៉ាងណា បិសាចក្រហម ក៏ទទួលបានដំណឹងល្អវិញផងដែរ ដោយខ្សែបម្រើ Michael Carrick បានជាសះស្បើយ នឹងហ្វឹកហាត់នៅសប្តាហ៍នេះ ។ ក្រៅពីនេះ ខ្សែប្រយុទ្ធ Young និង James Wilson ក៏ត្រឡប់មកកាន់ទីលានវិញផងដែរ ដោយងើបពីរបួស ត្រគាក ៕
ព័ត៌មានជាតិ
មតិយោបល់