បន្ទាយមានជ័យ៖ ដើម្បីកាត់បន្ថយគ្រោះថ្នាក់ចរាចរតាមផ្លូវជាតិលេខ៥នគរបាលចរាចរបានប្រើគ្រប់មធ្យោបាយ ទាំងការផ្សព្វផ្សាយច្បាប់ណែនាំដល់អ្នកប្រើប្រាស់ផ្លូវ ក៏នៅតែមិនអាចកាត់បន្ថយគ្រោះថ្នាក់ចរាចរបានទើបប្រើពិធីសាសនាដោយនិមន្តព្រះសង្ឃសូត្រមន្តប្រោសព្រំទឹកមន្តតាមដងផ្លូវដើម្បីដេញឧបទ្រពចង្រៃអោយជៀសចេញឆ្ងាយកុំមកយាយីឆក់យកជីវិតមនុស្សតាមដងផ្លូវ។
ពិធីនេះបានធ្វើឡើងនាព្រឹកថ្ងៃទី០២មីនាដោយមានការនិមន្តព្រះចៅអធិការវត្តសម្មាធិផលប្រោសព្រំនិងធ្វើពិធីតាមផ្លូវនឹងនៅចំនុចដែលតែងគ្រោះថ្នាក់ចរាចរកើតទ្បើងជាញឹកញាប់។
លោក សួន នីប៉ូនាយរងការិយាល័យចរាចរជើងគោកនៃស្ងការនគរបាលខេត្តបន្ទាយមានជ័យបានអោយដឹងថាដោយអនុវត្តតាមការណែនាំអោយនិមន្តព្រះសង្ឃធ្វើពិធីតាមបែបសាសនាពីសំណាក់លោកឧត្តមសេនីយ៍ អាត់ ខែម ដើម្បីកាត់បន្ថយគ្រោះថ្នាក់ចរាចរ ការិយាល័យចរាចរបាននិមន្តព្រះសង្ឃចំនួន៥អង្គរួមមានព្រះចៅអធិការវត្ត សម្មាធិផលផងនោះបានធ្វើការសូត្រមន្តនិងប្រោសទឹកមុនតាមផ្លូវជាតិលេខ៥ពីចំនុចមុខសាលាខេត្តទៅដល់ព្រំប្រទល់រវាងក្រុងសិរីសោភ័ណនិងស្រុកអូរជ្រៅដែលចំនុចនេះជាចំនុចដែលតែងកើតមាននៅគ្រោះថ្នាក់ចរាចរញឹកញាប់។
លោកបានបន្តទៀតថាការធ្វើពិធីបែបនេះដោយសារតែកន្លងទៅនេះគ្រោះថ្នាក់ចរាចរបានកើនទ្បើងជាងឆ្នាំ២០១៣ហើយគ្រោះថ្នាក់ទាំងអស់នេះបានឆក់យកជីវិតមនុស្ស ស្លាប់នឹងកន្លែង និងពេលបញ្ជូនទៅសង្គ្រោះ និងក្រោយសង្គ្រោះ ដល់ទៅ១៣៦នាក់ ស្រី២២នាក់ របួសធ្ងន់២៥៨នាក់ ស្រី៦៣នាក់ របួសស្រាល២០៣នាក់ ស្រី៦០នាក់ ហើយបណ្តាលអោយខូចខាតយានយន្តរួមមានម៉ូតូធ្ងន់ស្រាល៣១៧គ្រឿង រថយន្តតូចធំធ្ងន់ស្រាយ១៩៤គ្រឿង យានយន្តផ្សេង ៗ ៣៥គ្រឿង ។ដោយទ្បែក៣ខែដើមឆ្នាំ២០១៥នេះគ្រោះថ្នាក់ចរាចរក៍កាន់តែកើតទ្បើង៕
ព័ត៌មានជាតិ
មតិយោបល់