ឧត្តរមានជ័យ៖លោកមេភូមិគោកសំព័រ ឃុំលំទង ស្រុកអន្លង់វែង ខេត្តឧត្តរមានជ័យ មានចម្ងាយជាង២០គីឡូម៉ែត្រពីទីរួមស្រុកអន្លង់វែង ដែលមានប្រជាពលរដ្ឋចំនួន២៣០គ្រួសារ។តាមសម្តីរបស់លោកមេភូមិកុល គួនជាមេភូមិបានប្រាប់អ្នកពត័មានអោយដឹងថាប្រជាពលរដ្ឋដែលគ្មានដីស្រែចំការមានចំនួន៣០គ្រួសារ ហើយអ្នកដែលមានដីស្រែចំការ១៩៧គ្រួសារ។នៅថ្ងៃទី២៨ខែកុម្ភះឆ្នាំ២០១៥នោះ ប្រជាពលរដ្ឋចំនួន៣០គ្រួសារខឹងសម្បារនឹងលោកមេភូមិឈ្មោះកុល គួនបានឃុបឃិតគ្នារួមជាមួយឈ្មោះហល់ សំបូរ និងឈ្មោះឈិន ចាន់ ជាប៉ូលិសនៅស្នងការនគរបាលខេត្ត ទទួលផ្នែករងសណ្តាប់ធ្នាប់ចរាចរ។សុំបញ្ជាក់ ហល់ សំបូរ ជាប្រជាពលរដ្ឋអ្នកនៅទីនោះមានឈ្មោះដូចខាងលើនេះ បានលួចលក់ដីរបស់រដ្ឋគឺដីព្រៃនិងភ្នំរាប់រយហិចតានាពេលថ្មីៗនេះ មេភូមិកុល គួនបានចេញលិខិតលក់អោយប្រជាពលរដ្ឋមកពីខេត្តឆ្ងាយៗដូចជាមកពីស្រុកកំពីងពួយខេត្តបាត់ដំបងនិងមកស្រុកស្រីស្នំ ខេត្តសៀមរាបនិងស្រុកភ្នំស្រុកខេត្តបន្ទាយមានជ័យគិតជាផ្ទៃដីចំនួន១៥៥ហិចតា កន្លែងខ្លះលក់បាន១ហិចតា៤៥០ដុល្លាហើយកន្លែងខ្លះទៀតលក់បាន៥២០ដុល្លាក្នុង១ហិចតានោះ។ទង្វើរបស់លោកមេភូមិកុល គួន បានអួតខ្លួនថាស្រឡាញ់ប្រជាពលរដ្ឋចំណែក៣០គ្រួសារ គាត់ថាគ្មានដីធ្វើស្រែចំការនោះទេ។ហើយលោកកុល គួនមេភូមិគាត់ គិតតែផលប្រយោជន៏ ផ្ទាល់ខ្លួនគាត់ គឺអាត្មានិយម គ្មានគិតពីប្រជាពលរដ្ឋក្រខ្សតនោះទេ តាមប្រភពពត័មានពីប្រជាពលរដ្ឋ សុំមិនបញ្ចេញឈ្មោះបានឲ្យដឹងថាព្រះតេជគុណបុ័ន សា លួតប្រធានអង្កការសង្ឃសហគមន៏រុក្ខវ័ន បានកាត់ដីឲ្យប្រជាពលរដ្ឋយកមកធ្វើស្រែចំការវិញចំនួន៥០០ហិចតា។លោកមេភូមិកុល គួនមិនដែលបានហៅប្រជាពលរដ្ឋមកប្រជុំប្រាប់ថា សង្ឃសហគមន៍រុក្ខ វ័ន ប្រគល់ដីអោយប្រជាពលរដ្ឋយើងវិញនោះទេ។បែជាឃុបឃិតគ្នាដែលមានឈ្មោះដូចខាងលើយកដីដែលសង្ឃសហគមន៍រុក្ខ វ័នប្រគល់ឲ្យនោះ យកទៅលក់ឲ្យអ្នកមកពីខេត្តឆ្ងាយៗទៅវិញ។នេះហើយទង្វើរបស់លោកមេភូមិកុល គួន អួតខ្លួនឯងថាស្រឡាញប្រជាពលរដ្ឋ។តាមប្រភពព័តមានពីប្រជាពលរដ្ឋបានឲ្យដឹងថាមិនត្រូវឲ្យលោកមេភូមិកុល គួន នេះដឹកនាំប្រជាពលរដ្ឋទៀតទេ គឺគាត់ជាមនុស្សអគតិ៕
ព័ត៌មានជាតិ
មតិយោបល់