ខេត្តប៉ៃលិន ៖ ជនរងគ្រោះដែលត្រូវបុរសម្នាក់ ជាមន្ត្រីនគរបាលស្នងការខេត្តប៉ៃលិ ន ប្រចាំការជាសន្តិសុខនៅកាស៊ីណូម្កុដព្រជ្រ បានប្រើអំពើហិង្សាមកលើខ្លួន បណ្តាលឱ្យរ ងរបួសធ្ងន់ធ្ងរសន្លប់នៅមុខរថយន្តរបស់ខ្លួន ខណៈបើកបររថយន្តត្រឡប់ពីលេងផ្ទះមិត្តភក្តិ លុះមកដល់មុខផ្ទះ ពេលឈប់រថយន្តស្រាប់តែជនដៃដល់បានក្របួចកអាវដាល់ចំភ្នែកខា ងស្តាំ និងសៀតផ្កាខាងឆ្វេងចំនួន៣ដៃ ដួលបោកទៅនឹងផ្លូវថ្នល់សន្លប់បាត់ស្មារតី ដោយចោទថាអ្នកបើករថយន្តបានបើកកៀរ ម៉ូតូរបស់ខ្លួន ហើយត្រូវអ្នកជិតខាងស្រែកឱ្យគេជួយ និងដឹកយកជនរងគ្រោះទៅមន្ទីរពេទ្យ ។ រហូតមកដល់ថ្ងៃ ទី០២ ខែមីនា ឆ្នាំ២០១៥នេះ អស់រយៈពេលជិត១០ថ្ងៃទៅហើយ ខាងស្នងការនគរបាលខេត្តប៉ៃលិនមិនអាចដោះស្រាយបាននោះទេ ។ សូមបញ្ជាក់ថា ហេតុការណ៍មន្ត្រីនគរបាលប្រើអំពើហិង្សាទៅលើពលរដ្ឋនេះបានកើ តឡើងកាលពីវេលាម៉ោង១០ និង០០នាទីយប់ថ្ងៃទី២២ ខែកុម្ភៈ ឆ្នាំ២០១៥ ស្ថិតនៅមុខផ្ទះ ជួល ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ។ ជនរងគ្រោះ មានឈ្មោះ អ៊ិង ចិន ភេទប្រុស អាយុ៤៧ឆ្នាំ មានស្រុកកំណើត រស់នៅភូមិអូរតាគី ឃុំអូរតាគី ស្រុកបាត់ដំបង ខេត្តបាត់ដំបង បច្ចុប្បន្នរស់នៅកន្លែងកើតហេតុ ខាងលើ ។ ចំណែកជនដៃដល់ ឈ្មោះ គិត រ៉ាវី ភេទប្រុស អាយុប្រហែល៣៥ឆ្នាំ ជាមន្ត្រីនគ របាលស្នងការខេត្តប៉ៃលិន ប្រចាំការនៅកាស៊ីណូម្កុដពេជ្រ ជាអ្នកបើកបររថយន្តឱ្យក្រុមហ៊ុ នកាស៊ីណូខាងលើ ។ ប្រភពព័ត៌មានពីសាក្សី ឈ្មោះ ជា ស្រីរ័ត្ន ហៅស្រីរ៉ូ អាយុ៤៥ឆ្នាំ និង ឈ្មោះ ស៊ុន ណារី ភេទស្រី អាយុ៣២ឆ្នាំ បានរៀបរាប់ដូចៗគ្នាថា មុនពេលកើតហេតុ ពួកគាត់បានឃើ ញបុរសរងគ្រោះបើកបររថយន្តម៉ាកហាយឡែនឌឺពណ៌ទឹកមាស មកចតឈប់នៅមុខផ្ទះរ បស់ខ្លួន ស្របពេលនោះស្រាប់តែមានបុរសម្នាក់បានជិះម៉ូតូឌុបប្រពន្ធមកឈប់នៅក្បែរគោះទ្វាររថយន្តឱ្យបើក ក្រោយមកក៏ចាប់ក្របួចក.អាវម្ចាស់រថយន្ត រួចដាល់ពីរដៃពេញទំហឹងបណ្តាលឱ្យដួលផ្កាប់មុខទៅលើផ្លូវថ្នល់ រួចក៏វាយថែមជាច្រើនដៃទៀត ។ ភ្លាមៗនោះអ្នកជិតខាងបាននាំគ្នាស្រែកឃាត់ តែបុរសនោះមិនព្រមស្តាប់នោះទេ ព្រមទាំងព្រមា នគេឯងមិនឱ្យមកជួយថែមទៀត ។ ពេលនោះក៏មានអ្នកជិតខាងមកមើលជាច្រើន ហើយ អ្នកខ្លះបានទូរស័ព្ទហៅសមត្ថកិច្ចមកជួយអន្តរាគមន៍ទាន់ពេល ទើបជនដៃដល់ព្រមឈប់ប្រើអំពើហិង្សាទៅលើជនរងគ្រោះ ។ប្រភពបានបន្តទៀតថា ក្រោយពីសមត្ថកិច្ចនគរបាល មកដល់ ក៏ឃើញជនដៃដល់ជានគរបាលដូចគ្នាមិនបានធ្វើការឃាត់ខ្លួននោះទេ គ្រាន់តែឱ្យ ជនដៃដល់ឡើងជិះម៉ូតូទៅដោយសុវត្ថិភាព ។ ចំណែកជនរងគ្រោះ បាននិយាយថា ក្រោយពីកើតហេតុគាត់បានប្តឹងទៅស្នងការន គរបាលខេត្តប៉ៃលិនដែរ ដោយទាមទារជម្ងឺចិត្តចំនួន១៥០០ដុល្លារ តែជនដៃដល់មិនព្រម ដោយសុំបង់លុយចំនួន៧០ម៉ឺនរៀលប៉ុណ្ណោះ ដោយដោះស្រាយគ្នាមិនត្រូវ ទើបរហូតមក ដល់ពេលនេះអស់រយៈពេលជិត១០ថ្ងៃមកហើយ ជនរងគ្រោះក៏សម្រេចចិត្តដាក់ពាក្យបណ្តឹងទៅតុលាការនៅព្រឹកថ្ងៃទី០៣ ខែមីនា នេះ ដើម្បីរកយុត្តិធម៌ និងចង់ឱ្យជនដៃមានការ រាងចាលនិងគោរពច្បាប់ កុំអាងតែជាមន្ត្រីនគរបាលដើរវាយគេវាយឯងស្រេចតែអំពើចិត្ត នោះឡើយ ។ ស្នងការនគរបាលខេត្តប៉ៃលិន លោក ជា ចាន់ឌិន បានប្រាប់តាមទូរស័ព្ទថា ដោយ សារភាគីទាំងសងខាងសម្រួលគ្នាមិនត្រូវ ខាងលោកនឹងរៀបចំសំនុំរឿងនេះ ដើម្បីបញ្ជូនប ន្តទៅតុលាការខេត្តប៉ៃលិន នាថ្ងៃទី០៣ ខែមីនានេះ ។ចំណែកព្រះរាជអាជ្ញាអមសាលាដំបូង លោក ជុំ សែនសទ្ធា បានបញ្ជាក់បន្ថែមទៀត ថា ខាងលោកមិនទាន់បានទទួលសំនុំរឿងនេះទេ តែបើមានរឿងដូច្នេះមែនលោកនឹងចាត់ វិធានការទៅតាមផ្លូវច្បាប់ ។ សូមបញ្ជាក់ថា លោកជុំ សែនសទ្ធា បានថ្លែងនៅក្នុងពិធីកិច្ចប្រជុំស្តីអំពីតួនាទីមន្ត្រីនគរបាលយុត្តធម៌កាលពីពេលកន្លងទៅថា ករណីបទល្មើសព្រហ្មទ ណ្ឌបើទោះបីជាភាគីទាំងសងខាងសម្រួលគ្នារួចរាល់ តែបណ្តឹងអាជ្ញាមិនទាន់រលត់នោះទេ ជនដៃដល់មិនអាចនៅក្រៅរង្វង់ច្បាប់ឡើយ បើទោះជាមន្ត្រីនគរបាល ក៏ត្រូវតែគោរពច្បាប់ ដូចប្រជាពលរដ្ឋដែរ ៕
ព័ត៌មានជាតិ
មតិយោបល់