ហុងកុង៖ កំពូលតារាសម្ដែងចិន លោក ឈិន ឡុង (Jackie Chan) ធ្លាប់បានប្រកាសថា លោកនឹងបរិច្ចាគទ្រព្យសម្បតិ្តទាំងអស់របស់លោក នៅក្រោយពេលស្លាប់ ប៉ុន្តែនៅពេលនេះ កំពូលតារាសម្ដែងក្បាច់គុនមួយនេះ បានផ្លាស់ប្ដូរចិត្ត និងផ្ទេរទ្រព្យសម្បតិ្តទាំងអស់ឲ្យទៅកូនប្រុស ដែលទើបចេញពីគុក។
យោងតាមការចុះផ្សាយរបស់ Yahoo នៅថ្ងៃទី០៥ ខែមីនា ឆ្នាំ ២០១៥ បានឲ្យដឹងថា លោក ឈិន ឡុង បានប្រកាសជាថ្មីថា ទ្រព្យសម្បត្តិគ្រប់យ៉ាងដែលលោកមាននឹងត្រូវឲ្យកូនប្រុស Jaycee Chan ដែលទើបចេញពីគុក នៅមុនថ្ងៃបុណ្យនៃក្ដីស្រឡាញ់ ពីបទប្រើប្រាស់គ្រឿងញៀន។ «បើទ្រព្យសម្បត្តិខ្ញុំមិនប្រគល់ឲ្យកូនប្រុស តើគួរឲ្យអ្នកណាវិញ? គ្រប់យ៉ាងគឺជាកម្មសិទ្ធិរបស់គេ។ គេជាកូនប្រុសខ្ញុំ ហើយខ្ញុំជាឪពុកគេ។ រឿងនេះគឺមិនអាចផ្លាស់ប្ដូរបានឡើយ»។ នេះជាសំដីរបស់លោក ឈិន ឡុង ដែលបានថ្លែងប្រាប់សារព័ត៌មាន កាលពីថ្មីៗនេះ។
ចាប់ពីកូនប្រុស ត្រូវបានចាប់ខ្លួន និងឃុំខ្លួននៅក្នុងគុករយៈពេល ៦ខែមក ឈិន ឡុងហាក់ដូចជាផ្លាស់ប្ដូរចរិតច្រើន ដោយងាយមកចាប់អារម្មណ៍ និងផ្ដល់ភាពកក់ក្ដៅដល់កូន និងគ្រួសារ ហើយថ្មីៗនេះ នៅជួយសម្រួលការងារថតបញ្ចប់អាល់ប៊ុមថ្មីរបស់កូនប្រុសទៀត ដែលបានផ្អាក់អស់មួយរយៈ ដោយសារតែ Jaycee ត្រូវឃុំខ្លួន៕
មតិយោបល់