ភ្នំពេញ៖ ប្រធានធនាគារអភិវឌ្ឍន៍អាស៊ី (ADB) លោក Takehiko Nakao នឹងធ្វើទស្សនកិច្ចនៅកម្ពុជា រយៈពេល២ថ្ងៃ ១០-១១ ខែមីនា ឆ្នាំ២០១៥ ដើម្បីបង្ហាញសុឆន្ទៈរបស់ខ្លួន ក្នុងការគាំទ្រដល់ការអភិវឌ្ឍន៍ប្រទេសកម្ពុជា នេះបើយោងតាមសេចក្ដីប្រកាសព័ត៌មានរបស់ ADB។
យោងតាមសេចក្តីប្រកាស បានដឹងថា នៅក្នុងដំណើរទស្សនកិច្ចចំនួនពីរថ្ងៃនោះ លោក Takehiko Nakao ក៏នឹងចូល
ជួបពិភាក្សាការងារ និងសម្តែងការគួរសមជាមួយ នាយករដ្ឋមន្រ្តីនៃកម្ពុជា សម្តេចតេជោ ហ៊ុន សែន និងលោក អូន ព័ន្ធមុន្នីរ័ត្ន រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ ព្រមទាំងលោក ហង់ ជួនណារ៉ុង រដ្ឋមន្រ្តីក្រសួងអប់រំ យុវជន និងកីឡា នៅថ្ងៃទី១០ ខែមីនា ឆ្នាំ២០១៥។
គួរបញ្ជាក់ផងដែរថា ADB ត្រូវបានបង្កើតឡើងតាំងពីឆ្នាំ ១៩៦៦ ក្នុងគោលបំណងជួយសម្រួលដល់ការអភិវឌ្ឍន៍សេដ្ឋកិច្ចនៅតំបន់អាស៊ី ដោយបច្ចុប្បន្នមានប្រទេសជាសមាជិកចំនួន ៦៧៕
មតិយោបល់