ថៃ៖ពលករកម្ពុជាជាង១៦ម៉ឺននាក់ស្របច្បាប់ប្រមាណ៣ម៉ឺននាក់ក្នុងចំណោម៧០ម៉ឺននាក់នៅប្រទេសថៃ ទទួលបានការងារធ្វើក្នុងខេត្តឈុនបូរី ភាគនិរតីប្រទេសថៃ លំដាប់ទី២ បន្ទាប់ពីរាជធានីបាងកក។
លោក ស៊ីបមឿនឆៃ ប៉ូទីស៊ីន អ្នកគ្រប់គ្រងបច្ចេកទេស បុគ្គលិកជាន់ខ្ពស់ នៃក្រមហ៊ុនពលករ GFPT Nichirei របស់ថៃ នៅខេត្តឈុនបូរី ក្នុងដំណើរទស្សនះកិច្ចរបស់អ្នកសារព័ត៌មានកម្ពុជា ក្នុងវេទិកាស្វែងយល់ពីការរស់នៅ និងលក្ខខ័ណ្ឌពលកម្ម នៃកម្មវិធីមិត្តភាព សម្ព័ន្ធមេត្រីភាពអ្នកសារព័ត៌មាន និងប្រព័ន្ធផ្សព្វផ្សាយ ប្រទេសជិតខាងថៃ ប្រចាំឆ្នាំ២០១៥ កាលពីចុងសប្តាហ៍មុនក្នុងខេត្តឈុនបូរីបានអោយដឹងថា: ចំនួនពលករខ្មែរ ធ្វើការងារនៅខេត្តឈុនបូរី ស្ថិតនៅលំដាប់ទី២ បន្ទាប់ពីរាជធានីបាងកក។ ពោលគឺមានចំនួន ១៦៩.៥២១ នាក់ ក្នុងចំណោមពលករខ្មែរ នៅថៃ សរុបប្រមាណ ៧០ ម៉ឺននាក់។ ពលករខ្មែរនៅទីនោះ មានចំនួនច្រើនជាង ពលករភូមា ដែលមានចំនួនតែជាង ៧ ម៉ឺននាក់។ សំរាប់ពលករខ្មែរក្នុងខេត្តឈុនបូរីជិត១៧ម៉ឹននាក់គឺមានប្រមាណ ៣០.០០០ នាក់ តែប៉ុណ្ណោះ ដែលស្របច្បាប់ មានលិខិតឆ្លងដែន ឬប៉ាស្ព័រ និងទិដ្ឋាការ ការងារក្រោមអនុស្សរណៈយោគយល់គ្នា (MOU) រវាងភាគីថៃ-កម្ពុជា។ ក្រៅពីនោះ ពួកគេមានតែប័ណ្ណអនុញ្ញាត បណ្តោះអាសន្នរបស់ក្រសួងការងារថៃ ប៉ុណ្ណោះ។
ជាមួយគ្នានោះដែលលោក ស៊ីបមឿនឆៃ ប៉ូទីស៊ីន សូមអំពាវនាវដល់ ពលរដ្ឋខ្មែរដើម្បីកុំអោយមានការបោកប្រាស់ ឬរងគ្រោះដោយការជួញដូរ កម្លាំងពលកម្ម, ជួញដូរមនុស្ស, ជួញដូរផ្លូវភេទ ឬគ្រោះថ្នាក់ជាយថាហេតុ ត្រូវស្វែងយល់អោយច្បាស់បីច្បាប់ និងការយោគយល់គ្នានៃប្រទេសទាំងពីរ និងត្រូវស្គាល់ពីទីកន្លែង, ពីឈ្មោះម្ចាស់ ឬថៅកែ និងឈ្មោះកន្លែង ឬរោងចក្រធ្វើការងារ, ជ្រាបមុនពីប្រាក់ឈ្នួល, ស្វែង យល់ពីសិទ្ធិពលកម្ម។ល។ ពោលគឺរដ្ឋាភិបាលថៃតាមរយះអាជ្ញាធរ មានសមត្ថកិច្ចថៃ ធានាការពារសិទ្ធិ សន្តិសុខ សុវត្ថិភាព និងលក្ខ័ខ័ណ្ឌការងារ ព្រមទាំងសុខភាព ដល់ពលករបរទេស ទន្ទឹមនិងនេះពលករបរទេស ក៏ត្រូវស្វែងយល់ និងគោរពច្បាប់ បទដ្ឋានផ្សេងៗ របស់ប្រទេសថៃ ក៏ត្រូវចេះភាសា វប្បធម៌ ជីវភាពរស់នៅ និងបង្កើនជំនាញបច្ចេកទេស៕
ព័ត៌មានជាតិ
មតិយោបល់