ភ្នំពេញ៖ មន្ត្រីជាន់ខ្ពស់ក្រសួងសាធារណការ និងក្រសួងអប់រំ បានឲ្យដឹងថា ច្បាប់ចរាចរណ៍ផ្លូវគោកថ្មីនឹងត្រូវដាក់បញ្ចូលក្នុងកម្មវិធីសិក្សាថ្នាក់ជាតិ ពីអនុ-មហាវិទ្យាល័យ ដើម្បីបង្កើនការយល់ដឹងកាន់តែទូលំទូលាយដល់សិស្សនិស្សិតអំពីសុវត្ថិភាពចរាចរណ៍ និងចូលរួមកាត់ បន្ថយអត្រានៃមនុស្សស្លាប់ និងរងរបួសនៅតាមដងផ្លូវ។
រដ្ឋមន្រ្ដីក្រសួងសាធារណការ និងដឹកជញ្ជូន លោក ត្រាំ អ៊ីវតឹក បានមានប្រសាសន៍ បច្ចុប្បន្ននេះមានសិស្សនិស្សិតភាគច្រើនមិនទាន់មានការយល់ដឹងអំពីច្បាប់ចរា ចរណ៍នៅឡើយដូច្នេះនៅពេលដែលក្រសួងបានដាក់បញ្ចូលច្បាប់ចរាចរណ៍ថ្មីនេះ ក្នុងកម្មវិធីសិក្សាវានឹងទទួលបាននូវអត្ថប្រយោជន៍យ៉ាងច្រើន ក្នុងការជំរុញឱ្យ សិស្សនិស្សិតមានការយល់ដឹង និងគោរពច្បាប់ចរាចរណ៍កាន់តែប្រសើរឡើងនោះ។
អ្នកនាំពាក្យក្រសួងអប់រំ យុវជន និងកីឡា លោក រស់ សាលីន បានគាំទ្រចំពោះផែនការគ្រោងដាក់បញ្ចូច្បាប់ចរាចរណ៍ថ្មីនៅក្នុងកម្មវិធីសិក្សាអប់រំថា្នក់ជាតិនេះ ពីព្រោះវាមាន សារៈសំខាន់ក្នុងការជំរុញធ្វើឱ្យសិស្សនិស្សិតមានការយល់ដឹង និងអាចការពារខ្លួន ពីគ្រោះថ្នាក់ចរាចរ ខណៈពេលធ្វើដំណើរនៅតាមដងផ្លូវនោះ។
គួរបញ្ជាក់ផងដែរថា យោងតាមរបាយការណ៍របស់គណៈកម្មាធិការជាតិសុវត្ថិភាពចរាចរណ៍ផ្លូវគោកបានឱ្យដឹងថា មានមនុស្សស្លាប់ ២១៤៨នាក់ ដោយសារគ្រោះថ្នាក់ចរាចរក្នុងឆ្នាំ ២០១៤៕
មតិយោបល់