សម្រាប់ការប្រកួតក្នុងក្របខណ្ឌ Premier League ដែលមានគូឯក បិសាចក្រហម ធ្វើដំណើរទៅកាន់ទឹកដី Anfield ពហុកីឡដ្ឋាន ហង្សក្រហម បានធ្វើឲ្យទស្សនិកជន ដែលគាំទ្រក្លិបបិសាចក្រហម ភ្ញាក់ផ្អើលយ៉ាងខ្លាំង ដោយ ក្លិបនេះ ធ្វើយ៉ាងល្អ យកឈ្នះលើ ក្លិបម្ចាស់ទីកដី ក្នុងលទ្ធផល ២ ទល់នឹង ១ ។
បើការប្រកួត បានតែ ១៤ នាទី កីឡាករ Juan Mata របស់បិសាចក្រហម នាំមុខក្លិបហង្សកហម ដោយលទ្ធផល ១ ទល់នឹង ០ ។ ចូលមកដល់តង់ទី ២ អ្វីដែលហួសចិត្ត នោះ កីឡាករ Steven Gerrad ទទួលបានកាតក្រហម ដោយជាន់កជើង កីឡាករវ័យក្មេងរបស់ បិសាចក្រហម Ander Herrera នៅនាទី ៤៦ ទាំងលេងមិនទាន់សើបរោមក្លៀកផងនោះ ។
ម្ចាស់ផ្ទះ ១០នាក់ មែនពិត ក៏ធ្វើឲ្យបិសាចក្រហម ញាក់សាច់ម្តងៗផងដែរ ក៏ប៉ុន្តែ ធ្វើមិនបានសម្រេច រហូតដល់ Juan Mata លោតកាប់ចាន ជួយឲ្យបិសាចក្រហមនាំមុខបន្ត ២ ទល់នឹង ០ ។ នៅនាទី ៦៩ កីឡាករ Daniel Sturridge ស៊ុតបញ្ចូលទី ជួយឲ្យហង្សក្រហម តាមពីក្រោយក្នុងលទ្ធផល ២ ទល់នឹង ១ ។ ក៏ប៉ុន្តែនៅនាទី ៩០ កៀកចប់តង់ទៅហើយ កីឡាករ Wayne Rooney មានឱកាសស៊ុត ប៉េណ័លទី ជាឱកាសមួយ បំបាក់ឲ្យហង្សក្រហម តាមមិនទាន់ តែកីឡាកររូបនេះ ស៊ុតមិនបានសម្រេចទៅវិញ ខណៈដែលអ្នកចាំទី ហង្សក្រហមដឹងខ្យល់ បាល់ ៕
ទស្សនាឃ្លិបវិដេអូដូចខាងក្រោមនេះ ៖
មតិយោបល់