(ហ្សេរុយសាឡឹម)៖ អ៉ីស្រាអែល បានឱ្យដឹងនៅថ្ងៃអង្គារសប្ដាហ៍នេះថា ខ្លួននឹងផ្តល់ការចាក់វ៉ាក់សាំងបង្ការ COVID-19 ដូសទី៤ ជូនដល់មនុស្សដែលមានអាយុលើសពី ៦០ឆ្នាំ ខណៈមានការព្រួយបារម្ភកាន់តែខ្លាំង អំពីការឆ្លងរាតត្បាតនៃវីរុសបំប្លែងថ្មី Omicron។
ការសម្រេចចិត្តបែបនេះ កើតមានឡើងបន្ទាប់ពីអ្នកជំងឺម្នាក់ដែលមានជំងឺប្រចាំកាយធ្ងន់ធ្ងរ ត្រូវបានគេរាយការណ៍ថាបានស្លាប់ដោយសារមេរោគបំប្លែងថ្មី Omicron ជាលើកដំបូង នៅក្នុងប្រទេស អ៉ីស្រាអែល។
ក្រុមអ្នកជំនាញរបស់ក្រសួងសុខាភិបាលអ៉ីស្រាអែល បានផ្តល់អនុសាសន៍ឱ្យផ្ដល់ការចាក់វ៉ាក់សាំងបង្ការ COVID-19 «ដូសទី៤» ហើយអនុសាសន៍នេះក៏ទទួលបាន ស្វាគមន៍ពីនាយករដ្ឋមន្ត្រីអ៉ីស្រាអែល លោក Naftali Bennett ផងដែរ។
ការសម្រេចចិត្តនេះ កំពុងរង់ចាំការអនុម័តជាផ្លូវការ ពីក្រុមមន្ត្រីសុខាភិបាលជាន់ខ្ពស់ តែលោក Naftali Bennett បានជំរុញប្រជាជនអ៉ីស្រាអែល ទៅទទួលការចាក់វ៉ាក់សាំងបង្ការ COVID-19 ដូសទី៤ ឱ្យបានឆាប់តាមដែលអាចធ្វើទៅបាន៕
ប្រភព៖ Reuters
![](https://i0.wp.com/postnews.com.kh/wp-content/uploads/2016/12/ចាប់រំលោភប្អនថ្លៃ-8.jpg?fit=630%2C354&ssl=1)
![](https://i0.wp.com/postnews.com.kh/wp-content/uploads/2016/12/ចាប់រំលោភ-1.jpg?fit=630%2C330&ssl=1)
![](https://i0.wp.com/postnews.com.kh/wp-content/uploads/2016/12/ចាប់រំលោភប្អនថ្លៃ-1.jpg?fit=630%2C354&ssl=1)
មតិយោបល់