ពិធីប្រកាសកែសំរួល និង តែងតាំងមន្ត្រីគណៈពង្រឹងមូលដ្ឋាន ឃុំ និងភូមិ នៃឃុំត្រើយសា្ល បានប្រព្រឹត្តិទៅនៅក្រោមអធិបតីភាព ឯកឧត្តម ប្រាក់ សុខុន រដ្ឋមន្ត្រីក្រសួងប្រៃសណីយ៍ និង ទូរគមនាគម និងជា ប្រធានគណៈអចិន្ត្រៃយ៍គណៈពង្រឹងមូលដ្ឋានស្រុកស្អាង នៅថ្ងៃទី ២៩ ខែមិនា ឆ្នាំ២០១៥ មូលដ្ឋានស្រុកស្អាង ខេត្តកណ្តាល។ អញ្ជើញចូលរួមក្នុងពិធីដ៏មហោឡារឹកនេះ រួមមានឯកឧត្តម អស់លោក លោកស្រីជាសមាជិកក្រុមប្រឹក្សាភិបាលស៊ីម៉ាក់ ព្រមទាំងមន្ត្រី បុគ្គលិកស៊ីម៉ាក់យ៉ាងច្រើនកុះករ។
បន្ទាប់ពីលោក ខឹម ច័ន្ទគីរី អភិបាលស្រុកស្អាង បានអានរបាយការណ៍សង្ខេបស្តីពី សកម្មភាពការងាររបស់ក្រុមប្រឹក្សាភិបាលស៊ីម៉ាក់រួចមក លោក ព្រំ ឈឺន អនុប្រធានប្រចាំការគណៈបក្សស្រុក បានឡើងអានសេចក្តីសំរេច ស្តីពីការកែសំរួលភារកិច្ច និង តែងតាំងគណៈពង្រឹងមូលដ្ឋាន និងលេខាធិការដ្ឋានឃុំត្រើយស្លា ស្រុកស្អាង ដែលមាន ឯកឧត្តម ខូវ មករា ជាប្រធាន ឯកឧត្តម តុលញ៉ក់ អនុប្រធានទី១ លោក ជំទាវលឹប លឿង អនុប្រធានទី២ ឯកឧត្តម ព្រំ សុន្ថារ អនុប្រធានទី៣ ។
ក្នុងឳកាសដ៏មហោឡារឹកនេះ ឯកឧត្តម ប្រាក់ សុខុន ខុន រដ្ឋមន្ត្រីក្រសួងប្រៃសណីយ៍ និង ទូរគមនាគម និងជា ប្រធានគណៈអចិន្ត្រៃយ៍គណៈពង្រឹងមូលដ្ឋានស្រុកស្អាង ឯកឧត្តមបានមានប្រសាសន៍សំណេះសំណាល និងអបអរសាទរដល់សមាសភាពគណៈពង្រឹងមូលដ្ឋាន ដែលទើបត្រូវបានតែង តាំងអោយទទួលតំណែងថ្មី ព្រមទាំងកោតសរសើរដល់សកម្មភាពរបស់គណៈពង្រឹងមូលដ្ឋានរយៈពេលកន្លងមក ហើយឯកឧត្តម ក៏បានជំរុញ ឲ្យគណៈពង្រឹងមូលដ្ឋានទាំងអស់ បំពេញភារកិច្ចប្រកបដោយការទទួលខុសត្រូវ ៕
មតិយោបល់