ក្រោយពេលស៊ើបអង្កេតអស់រយៈពេលជិតមួយសប្ដាហ៍ លើយន្តហោះរបស់ក្រុមហ៊ុនអាកាសចរណ៍អាល្លឺម៉ង់ Germanwings ជើងហោះហើរ 4U 9525 បានធ្លាក់នៅតំបន់ភ្នំ French Alps ភាគខាងត្បូងនៃប្រទេសបារាំង ដែលបានសម្លាប់មនុស្ស ១៥០នាក់ នៅពេលនេះ ក្រុមស៊ើបអង្កេតបានរកឃើញ DNA របស់ជនរងគ្រោះចំនួន ៧៨នាក់។ នេះបើយោងតាមការចុះផ្សាយរបស់ BBC នៅថ្ងៃទី៣០ ខែមីនា ឆ្នាំ ២០១៥។
ក្រុមអ្នកស៊ើបអង្កេតបានបង្ហាញព័ត៌មាននេះឡើង ដើម្បីជាដំណឹងដល់ក្រុមគ្រួសារនៃជនរងគ្រោះ ហើយក៏បានច្រានចោលព័ត៌មានកាសែតអាល្លឺម៉ង់ចុះផ្សាយថា បានរកឃើញបំណែកសាកសពរបស់ជំនួយការពីឡុង Andreas Lubitz។ ពាក់ព័ន្ធនឹងព័ត៌មានលម្អិតទៅលើការពិនិត្យ DNA នេះ នៅមិនទាន់បង្ហើបឲ្យដឹងនោះទេ។
គួរបញ្ជាក់ផងដែរថា ក្រោយការស៊ើបអង្កេតបានរកឃើញថា ជំនួយការពីឡុតជាអ្នកបើកយន្តហោះបុកភ្នំ ខណៈដែលរកឃើញលិខិតពេទ្យបញ្ជាក់ថា ជំនួយការពីឡុតមានបញ្ហាជំងឺផ្លូវចិត្ត និងមានបញ្ហាភ្នែក៕
ព័ត៌មានជាតិ
មតិយោបល់