Reuters៖ ក្រុមហ៊ុនទូរគមនាគមន៍លំដាប់ទី២របស់ពិភពលោក Huawei Technologies Ltd បានឲ្យដឹងនៅថ្ងៃអង្គារទី៣១ ខែមីនា ឆ្នាំ ២០១៥ នេះថា ប្រាក់ចំណេញប្រចាំឆ្នាំ ២០១៤ បានកើនឡើង ៣៣ភាគរយ ដោយសារកំណើនការលក់ខ្ពស់ ជាពិសេសគឺបច្ចេកវិទ្យា 4G។
យោងតាមការចុះផ្សាយរបស់ Reuters បានឲ្យដឹងថា ប្រាក់ចំណេញសុទ្ធនៅក្នុងឆ្នាំ ២០១៤ របស់ Huawei មានចំនួន ២៨ពាន់លានយ័ន (ប្រហែល ៤,៥ពាន់លានដុល្លារអាមេរិក) ដោយបានកើនឡើង ៣៣ភាគរយ ខណៈដែលប្រាក់ចំណូលសរុប មានចំនួន ៤៦,៥ពាន់លានដុល្លារអាមេរិក ដោយបានកើនឡើង ២១ភាគរយ។
គួរបញ្ជាក់ផងដែរថា ក្រុមអ្នកវិភាគបានមើលឃើញថា នៅឆ្នាំ ២០១៥ នេះ ប្រាក់ចំណូល Huawei នឹងបន្តកើនឡើងទេ ព្រោះនៅពេលនេះ Huawei កំពុងតែពង្រីកវិសាលភាពសម្រាប់ទន្ទ្រានយកទីផ្សារស្មាតហ្វូន ដើម្បីឲ្យក្លាយជាក្រុមហ៊ុនស្មាតហ្វូនយក្ស៕
ព័ត៌មានជាតិ
មតិយោបល់