អតិថិជនពិសេសមួយក្រុម និងប្រព័ន្ធផ្សព្វផ្សាយមួយចំនួនរបស់ Huawei បានទទួល សិទ្ធិអាទិភាពមុនគេ ដោយទទួលបានការប្រើប្រាស់ទូរស័ព្ទ Honor 6 Plus ដែលជាស្មាតហ្វូនស៊ីមពីរលំដាប់កំពូលចុងក្រោយបំផុតរបស់ Huawei ។ព្រឹត្តិការណ៍នៃការទទួលយកបទពិសោធន៍ថ្មីដ៏អស្ចារ្យនេះ បានរៀបចំដោយដៃគូពាណិជ្ជកម្ម និងភ្នាក់ងារផ្សព្វ ផ្សាយពាណិជ្ជកម្ម កាលពី ថ្ងៃទី ៣០ ខែមីនា កន្លងទៅនេះ។
ស្មាតហ្វូន Huawei Honor 6 Plus ដែលនឹងត្រូវដាក់បង្ហាញលក់ជាផ្លូវការ នៅថ្ងៃ ០៦ មេសា និងចែកចាយពេញទូទាំងប្រទេស បន្ទាប់ពីចូលឆ្នាំខ្មែររួច គឺជាប្រភេទស្មាតហ្វូន ដែលត្រូវបានបំពាក់ដោយកាមេរ៉ាឡេនភ្លោះពីរ។ ក្នុងនោះ Honor 6 Plus ត្រូវបានគេប្រសិទ្ធនាមឱ្យថា King Of Night-Shot ដែលអាចថតបានច្បាស់ទោះបីកម្រិតពន្លឺទាប ដោយភ្ជាប់នឹងមុខងារដ៏ឆ្លាតវៃ អាចជួយកាត់ភាពព្រាលៗ បន្ថែមពណ៌ រួមនិងពន្លឺ ធ្វើឱ្យអ្នកនឹងប្លែកភ្នែកថា ដូចកំពុងប្រើជាមួយនឹងកាមេរ៉ាអាជីពដែរ។ Honor 6 Plus មានប្រព័ន្ធចាប់រូបភាពភ្លឺច្បាស់ និងពិតជាអស្ចារ្យសម្រាប់ការថតរូបស៊ែលហ្វី បំពាក់មុខងារ (All focus) ថតរូបស្អាត (Best Photos) បច្ចេកវិទ្យាថតរូបច្បាស់ពេលយប់ (Super low light) ទោះបីជាខ្សោយពន្លឺ ឬកុងពន្លឺ នៅតែថតរូបបានច្បាស់ដូចថ្ងៃ ឬឃើញនឹងភ្នែក។ សម្បកខាងក្រៅ ត្រូវបានស្រោបលម្អដោយបន្ទះកញ្ចក់ភ្លឺរលោងមាន៦ស្រទាប់ ដែលធន់នឹងការធ្លាក់ធម្មតា ឬឆ្កូត តាមរយៈការទម្លាក់ ឬបាញ់គ្រាប់កាំភ្លើងខ្យល់។ Honor 6 Plus ប្រើប្រាស់បន្ទះឈីបកម្លាំងយក្ស Hisilicon Kirin 925 ប្រភេទ Octa Core 1.8 GHz និង ដំណើរការដោយប្រព័ន្ធ ប្រតិបត្តិការ Android 4.4 ជាមួយនឹងអេក្រង់ FHD ទំហំ 5.5 អ៊ីញ ។ ចំពោះម៉ាស៊ីនថតទំនើបពីររបស់ខ្លួនទំហំ 8.0 មេហ្គាភិចសែល ទាំងមុខ និងក្រោយ អតិថិជនអាចសប្បាយរីករាយនឹងការផ្តិតយករូបភាព និងវីដេអូបានគ្រប់ពេលវេលា។ លើសពីនេះទៀត វាមានល្បឿនលឿនអស្ចារ្យជាមួយនឹង RAM 3GB និង សមត្ថភាពដោនឡូតក្នុងកម្រិតល្បឿនលឿន
ដូចព្យុះ ដោយបច្ចេកវិទ្យា 4G LTE Cat 6 ។កញ្ញា ឈុំ វត្តី និង អូន ម៉ីម៉ី បុគ្គលិកក្រុមហ៊ុនឯកជន និងជាអ្នកសារព័ត៌មានផ្នែក អនឡាញន៍ បានបង្ហាញពីក្តីរំភើប ដែលបានសាកល្បងប្រើមុនគេថា HUAWEI Honor 6 plus គឺជាស្មាតហ្វូនដ៏ហ៊ឺហារ ទំនើប ក្នុងក្តីសុបិន និងបង្ហាញពីស្តាយល៍ពិតរបស់នាង ដែលជាយុវវ័យចូលចិត្តស្តាយល៍កាលីបៗ Cute Cute ពណ៌មាស ឆើតស្រស់ ស៊ីមពីរ អេក្រង់ធំ ល្បឿនអ៊ីនធើណេតលឿន ថតរូបក៏លឿន ដោយមិនបាច់ដោះសោ អាចបញ្ជាបិទ ឬបើកម៉ាស៊ីនត្រជាក់ ទូរទស្សន៍ វីស៊ីឌី ដែលនាំឱ្យសម្រស់នាងកាន់ស្រស់ស្អាត ហ៊ឺហារ មួយកម្រិតទៀត ពេលដែលនាងបង្ហាញស្តាយល៍ថ្មីៗ ក្នុងបណ្តាញសង្គម ដូចជា Facebook Instagram Line ជាដើម មិត្តភក្តិតែងសរសើរមិនដាច់ពីមាត់ និង ទទួលបានការ Like ដ៏ច្រើនលើសលប់។
លោក អែម យុទ្ធូ នាយកជាន់ខ្ពស់ផ្នែកទីផ្សាររបស់ក្រុមហ៊ុន Huawei កម្ពុជា បានមានប្រសាសន៍ថា៖ ស្មាតហ្វូន Huawei 6 Plus និង Huawei G7 ប្រភេទស៊ីមពីរ គឺជាកំពូលស្មាតហ្វូនដ៏អស្ចារ្យ ដែលនឹងចូលវាយលុកទីផ្សារស្មាតហ្វូនក្នុងប្រទេសកម្ពុជា។ ក្នុងនាមជាក្រុមហ៊ុនឈានមុខគេរបស់ពិភពលោក ផ្នែកបច្ចេកវិទ្យាព័ត៌មាន និងទូរគមនាគមន៍ និងជាក្រុមហ៊ុនទូរស័ព្ទស្មាតហ្វូនលំដាប់លេខ៣ និងលេខ២ ចំពោះទូរស័ព្ទដែលដំណើរការដោយប្រព័ន្ធដំណើរការ Android លើពិភពលោក យើងពិតជាមាន មោទនភាពខ្លាំងណាស់ ក្នុងការណែនាំដល់អ្នកប្រើប្រាស់នៅកម្ពុជា នូវស្មាតហ្វូនដែល មានលក្ខណៈពិសេស និងគុណភាពកម្រិតអន្តរជាតិ។ យើងមានទំនុកចិត្តថា អតិថិជនរបស់យើង នឹងទទួលបានបទពិសោធន៍ដ៏អស្ចារ្យជាមួយនឹង Honor 6 Plus ដោយសារតែស្មាតហ្វូននេះ គឺមិនដូចទៅនឹងស្មាតហ្វូនដទៃទៀត ដែលយើងបានផលិតឡើងកន្លងមកនោះទេ។ វាគឺជាស្មាតហ្វូនកម្រិតកំពូលថ្មីមួយ ដែលប្រមូលយកគុណសម្បត្តិរបស់ស្មាតហ្វូនទាំងអស់។គិតមកត្រឹមចុងឆ្នាំ ២០១៣ ផលិតផល និងសេវាកម្មរបស់ក្រុមហ៊ុន Huawei ត្រូវបានចែកចាយទៅដល់ជាង ១៤០ ប្រទេស បម្រើឲ្យអតិថិជនច្រើនជាងមួយភាគបីនៃចំនួនប្រជាជនសរុបនៅលើពិភពលោក។ ក្រុមហ៊ុនHuawei ជាប់ចំណាត់ថ្នាក់លេខបី ក្នុងនាមជាក្រុមហ៊ុននាំចេញប្រភេទទូរស័ព្ទស្មាតហ្វូនធំជាងគេទូទាំងពិភពលោក នៅឆ្នាំ ២០១៣។ ក្រុមហ៊ុន Huawei បានបង្កើតឡើងផងដែរ នូវមជ្ឈមណ្ឌលស្រាវជ្រាវ និងអភិវឌ្ឍ(R D) ជាង១៦កន្លែងនៅជុំវិញពិភពលោក ដូចជា សហរដ្ឋអាមេរិក អាល្លឺម៉ង់ ស៊ុយអែត រុស្ស៊ី ឥណ្ឌា និងចិន។ ក្រុមហ៊ុនមួយក្នុងចំណោមក្រុមហ៊ុន អាជីវកម្មបីរបស់ Huawei គឺ អាជីវកម្មសម្រាប់អតិថិជន ទទួលចែកចាយនូវផលិតផល នានា រួមមាន ទូរស័ព្ទដៃ ឧបករណ៍អ៊ីនធើណេតតាមទូរស័ព្ទ (MBB) ឧបករណ៍ អ៊ីនធើណេតតាមផ្ទះ និងសេវាកម្ម Cloud ។ ជាមួយនឹងបទពិសោធន៍អាជីវកម្មដ៏ លើសលប់ ផ្នែកបច្ចេកវិទ្យាព័ត៌មាន និងទូរគមនាគមន៍ (ICT) អស់រយៈពេលជាង២០ឆ្នាំ ជាបណ្តាញសកលដ៏ទូលំទូលាយប្រតិបត្ដិការអាជីវកម្មលំដាប់ពិភពលោក ព្រមទាំង ជាដៃគូដ៏មានបទពិសោធន៍ ក្នុងវិស័យទូរគមនាគមន៍ ក្រុមហ៊ុនHuawei បានបង្កើតបណ្តាញប្រតិបត្តិការសកលមួយ រួមជាមួយដៃគូការងារដែលពោរពេញដោយសមត្ថភាព។ ក្រុមហ៊ុន Huawei បានប្តេជ្ញាពាំនាំយកបច្ចេកវិទ្យាចុងក្រោយបំផុត ជូនដល់អតិថិជនផ្តល់ជូនពិភពលោកនូវលទ្ធភាពនានានិងការបង្កើតបទពិសោធន៍ដ៏អស្ចារ្យ សម្រាប់អ្នកប្រើប្រាស់គ្រប់ទីកន្លែង៕
មតិយោបល់