​ភាពយន្ត​ដ៏​ល្បី​រឿង «Fast & Furious 7» បានចាប់ផ្ដើម​ដាក់បញ្ចាំ​ង​នៅតាម​បណ្ដា​ប្រទេស​មួយចំនួន​នៅក្នុង​ពិភពលោក ដោយ​កាលពី​សប្ដាហ៍​មុន បានដាក់​បញ្ចាំង​នៅក្នុង​ប្រទេស​ចិន រហូត​ទទួលបាន​ប្រាក់ចំណូល ២៥០​លាន​ដុល្លារ​អាមេរិក ត្រឹម​រយៈពេល ៨​ថ្ងៃ​ក្នុង​ទឹកដី​ប្រទេស​ចិន​។​
​យោងតាម​ការចុះផ្សាយរ​បស់ CNN បាន​ឲ្យ​ដឹងថា នៅ​ថ្ងៃ​ដំបូង​នៃ​ការដាក់​បញ្ចាំង​ក្នុងប្រទេស​ចិន ទទួលបាន​ប្រាក់ចំណូល ៧០​លាន​ដុល្លារ​អាមេរិក ហើយក៏​បន្ដ​កើនឡើង​ដល់ ២៥០​លាន​ដុល្លារ​អាមេរិក​គិត​ត្រឹម​ថ្ងៃនេះ ដោយបាន​ក្លាយជា​ភាពយន្ត​ហូ​លី​វ៉ូដ​ថ្មី ដែល​រកប្រាក់​ចំណូល​បាន​ច្រើនជាងគេ​នៅក្នុង​ប្រទេស​ចិន បន្ទាប់ពី​រឿង Transformers: Age of Extinction​។​
​គិត​ត្រឹម​ថ្ងៃទី​២០ ខែមេសា ឆ្នាំ ២០១៥ នេះ រឿង «Fast & Furious 7» រក​ចំណូល​សរុប​បាន​ជាង ៨៥៨​លាន​ដុល្លារ​អាមេរិក ដែល​បាន​ក្លាយជា​រឿង​ទី​៧ ក្នុង​ប្រវត្តិសាស្ត្រ​ដែល​ទទួលបាន​ប្រាក់ចំណូល​ខ្ពស់ ខណៈដែល រឿង «Titanic និង Avatar» កំពុង​ឈរ​នៅ​លេខ​រៀង​ទី​១ និង​២៕​