តើអ្នកចង់ដឹងពីតិចនិចការពារស្បែកឲ្យជៀសផុតពីភាពចាស់ជ្រីវជ្រួញដែរទេ? ជាដំបូងត្រូវចេះស្រឡាញ់ស្បែករបស់ខ្លួន, ផ្តល់ការយកចិត្តទុកដាក់ចំពោះស្បែក និងអ្នកត្រូវផ្តល់ភាពថ្នាក់ថ្នមដល់ស្បែករបស់អ្នក។ ទាំងអាហារ និងទម្លាប់រស់នៅប្រចាំថ្ងៃដើរតួយ៉ាងសំខាន់ក្នុងការកំណត់ភាពវ័យក្មេងរបស់អ្នក។ កត្តាបរិស្ថានជុំវិញដូចជា អាកាសធាតុ និងសារធាតុពុលក៏ដើរតួនាទីសំខាន់ផងដែរ ប៉ុន្តែប្រសិនបើអ្នកដឹងពីរបៀបការពារស្បែករបស់អ្នក នោះអ្នកអាចគេចផុតពីការបំផ្លាញនៃកត្តាទាំងអស់ខាងលើបាន។
ការខូចស្បែកសម្តែងចេញនូវលក្ខណៈជាក់លាក់ រួមមាន៖ ភាពជ្រីវជ្រួញ, ភាពស្ងួត, ស្បែកយារធ្លាក់, ស្បែកឡើងរឹង…។ តាមការសិក្សាបានបង្ហាញថា ផ្ទៃមុខរបស់មនុស្សងាយឆាប់ចាស់ជាងគេ។ នៅពេលអ្នកនៅក្នុងកំឡុងអាយុវ័យ ៣៥ ទៅ៥០ ឆ្នាំ ស្បែករបស់អ្នកនឹងត្រូវការការពារច្រើន ព្រោះខ្លួនប្រាណរបស់អ្នកចាប់ផ្តើមចាស់ក្នុងកំឡុងពេលនោះ។ ដូច្នេះ អនុវត្តតិចនិចខាងក្រោម ដើម្បីការពារភាពចាស់ជ្រីវជ្រួញ និងដើម្បីការពារស្បែករបស់អ្នកឲ្យបានច្រើនឡើង៖
០១) កម្តៅព្រះអាទិត្យ
កម្តៅព្រះអាទិត្យជាសត្រូវទី១ ធ្វើឲ្យស្បែកឆាប់ចាស់។ ការធ្វើឲ្យស្បែករបស់អ្នកប៉ះនឹងកាំរស្មី UV ច្រើន អាចសម្លាប់ស្បែករបស់អ្នកបានលឿន។ អ្នកជំនាញជាច្រើនបានណែនាំឲ្យប្រើក្រែមការពារកម្តៅព្រះអាទិត្យ។ ការលាបក្រែមការពារកម្តៅព្រះអាទិត្យ សូម្បីតែនៅពេលមេឃស្រទុំក៏ដោយ នឹងអាចជួយការពារស្បែករបស់អ្នកបានយ៉ាងពិតប្រាកដ។
០២) ទទួលទានផ្លែឈើ និងបន្លែ
ផ្លែឈើស្រស់ និងបន្លែសុទ្ធតែជាតម្រូវការរបស់ស្បែក។ វីតាមីន, សារធាតុខនិជ និងសារធាតុចិញ្ចឹម ជួយថែរក្សាស្បែករបស់អ្នកឲ្យមានសុខភាពល្អ។ របស់ទាំងអស់នេះអាចជួយការពារស្បែក និងភាពចាស់របស់អ្នកបានគ្រប់ដំណាក់កាលទាំងអស់។ នេះជាតិចនិចមួយដើម្បីការពារភាពចាស់។
០៣) បញ្ឈប់ទម្លាប់អាក្រក់
ត្រូវបញ្ឈប់ការជក់បារី ប្រសិនបើអ្នកមានទម្លាប់បែបនេះ។ បារីអាចបំផ្លាញសរីរាង្គទាំងអស់នៅក្នុងរាងកាយរបស់អ្នក រួមទាំងស្បែករបស់អ្នក។ ស្បែករបស់អ្នកនឹងឆាប់ជ្រីវជ្រួញ នៅពេលអ្នកមានទម្លាប់នេះ។ ស្បែករបស់អ្នកនឹងស្ងួត ហើយកំសួលក្លិនមាត់នឹងធ្វើឲ្យជុំវិញមាត់របស់អ្នកមានភាពជ្រីវជ្រួញ។
០៤) បញ្ឈប់ការទទួលទានគ្រឿងស្រវឹង
ការបាត់បង់ជាតិទឹកជាសត្រូវដ៏ធំមួយរបស់ស្បែក។ ហើយនេះជាអ្វីដែលគ្រឿងស្រវឹងបានធ្វើចំពោះស្បែករបស់អ្នក។ គ្រឿងស្រវឹងបានទៅបំផ្លាញសារធាតុចិញ្ចឹមចាំបាច់សម្រាប់ស្បែករបស់អ្នក។
០៥) ភាពតានតឹងក្នុងចិត្ត
ភាពតានតឹងធ្វើឲ្យប៉ះពាល់អាក្រក់ដល់សុខភាព។ ប៉ុន្តែវាក៏អាចប៉ះពាល់យ៉ាងធំដល់ស្បែករបស់អ្នកផងដែរ។ នៅពេលអ្នកមានភាពតានតឹង រាងកាយរបស់អ្នកនឹងផលិតសារធាតុមួយហៅថា កទីសូល។ សារធាតុកទីសូលនេះធ្វើឲ្យអ្នកឡើងកម្រិតជាតិស្ករក្នុងឈាម។ វាមិនល្អសម្រាប់ស្បែករបស់អ្នកឡើយ។
០៦) គេងឲ្យបានគ្រប់គ្រាន់
ប្រសិនបើអ្នកគេងមិនបានគ្រប់គ្រាន់ទេនោះ អ្នកនឹងមានស្នាមរង្វង់ខ្មៅជុំវិញភ្នែករបស់អ្នក ហើយប្រសិនបើអ្នកនៅតែបន្តទម្លាប់បែបនេះទៀត អ្នកនឹងមានក្តក់ស្នាមខ្មៅនៅខាងក្រោមភ្នែករបស់អ្នក។ ហើយស្បែករបស់អ្នកនឹងស្រអាប់ ស្លេកស្លាំងនៅពេលអ្នកគេងមិនបានគ្រប់គ្រាន់។
០៧) នៅស្ងៀម ដោយមិនធ្វើអ្វី
ការឲ្យរាងកាយមានសកម្មភាព ពិតជាល្អសម្រាប់សុខភាព ក៏ដូចជាសុខភាពស្បែករបស់អ្នកផងដែរ។ ដូច្នេះ ត្រូវប្រាកដថា អ្នកមិនត្រូវនៅស្ងៀមដោយមិនធ្វើអ្វីសោះនោះឡើយ ប្រសិនបើអ្នកចង់បានស្បែកក្មេងជាងវ័យ។
០៨) ការបង្ហាញទឹកមុខ
មនុស្សភាគច្រើនមិនទាន់បានដឹងពីការពិតទេថា ការបង្ហាញទឹកមុខអាចជាមូលហេតុធ្វើឲ្យស្បែកជ្រីវជ្រួញ។ ប្រសិនបើអ្នកជ្រួញចិញ្ចើមញឹកញាប់ នោះអ្នកនឹងឃើញមានស្នាមជ្រួញនៅលើផ្ទៃមុខរបស់អ្នក ដែលធ្វើឲ្យអ្នកមើលទៅចាស់។
០៩) ប្រេងល្ង
គួរមានទម្លាប់មួយដោយការម៉ាស្សាស្បែករបស់អ្នកជាមួយនឹងប្រេងល្ង។ វាជួយរក្សាស្បែករបស់អ្នកឲ្យមានភាពក្មេងជាងវ័យ ហើយក៏ជួយសម្អាតកោសិកាស្បែកងាប់ផងដែរ។ កោសិកាស្បែកថ្មីនឹងឆាប់លូតលាស់។
១០) គេចចេញឲ្យឆ្ងាយពីស្ករស
គេនិយាយថា ស្ករសដើរតួនាទីយ៉ាងសំខាន់ក្នុងការធ្វើឲ្យមានភាពចាស់ជ្រីវជ្រួញ។ ចៀសវាងការប្រើស្ករស និងផលិតផលដែលមានផ្ទុកស្ករស៕
មតិយោបល់