យោងតាមលោក Zhiqiang Xu ប្រធានគ្រប់គ្រង Huawei ប្រចាំសហរដ្ឋអាមេរិក បានឲ្យដឹងថា នៅពេលនេះ Huawei កំពុងអនុវត្តផែនការយុទ្ធសាស្ត្ររបស់ខ្លួនដើម្បីវាយលុយទីផ្សារស្មាតហ្វូននៅសហរដ្ឋអាមេរិក បន្ទាប់ពីជោគជ័យបណ្ដើរៗទៅលើទីផ្សារស្មាតហ្វូននៅតំបន់អឺរ៉ុប។
ក្រុមហ៊ុនផលិតស្មាតហ្វូនលំដាប់ទី២របស់ចិន និងកំពុងតែប្រជែងយកលេខ៣សម្រាប់ពិភពលោកមួយនេះ បានរៀបចំយុទ្ធសាស្ត្រទីផ្សារសម្រាប់ត្រៀមវាយលុយទីផ្សារអាមេរិក ដោយគ្រោងនឹងសហការជាមួយក្រុមហ៊ុនផ្ដល់សេវាកម្មទូរស័ព្ទធំទាំង៤របស់អាមេរិក មាន AT&T, Sprint, T-Mobile និង Verizon ដើម្បីពង្រីកទីផ្សារចែកចាយដោយផ្ទាល់ទៅកាន់អតិថិជន។
គួរបញ្ជាក់ផងដែរថា កាលពីថ្ងៃទី១៥ ខែមេសា ឆ្នាំ ២០១៥ កន្លងទៅនេះ ក្រុមហ៊ុន Huawei បានប្រកាសបង្ហាញស្មាតហ្វូនថ្មីរបស់ខ្លួននៅក្នុងទីក្រុងឡុងដ៍គឺ Huawei P8 ប៉ុន្តែស្មាតហ្វូនមួយនេះនៅមិនទាន់បញ្ជាក់ថា មានលក់នៅលើទីផ្សារអាមេរិកនោះទេ៕
មតិយោបល់