​នៅ​ថ្ងៃ​ពុធ​ម្សិលមិញ​នេះ លោក Mark Zuckerberg នាយក​ប្រតិបត្តិ​បណ្ដាញ​ទំនាក់ទំនង​សង្គម Facebook ប្រកាស​បង្ហាញ​របាយការណ៍​ហិរញ្ញវត្ថុ​ត្រីមាស​ទី​១ ឆ្នាំ ២០១៥ ដោយ​ក្នុងនោះ​ប្រាក់ចំណូល​កើនឡើង ៤២​ភាគរយ ស្មើនឹង ៣,៥៦​ពាន់​លាន​ដុល្លារ​អាមេរិក ប៉ុន្តែ​ប្រាក់ចំណេញ​ថយចុះ ដោយសារតែ​មានការ​ចំណាយ​ខ្ពស់​ទៅលើ​ការសាងសង់​មជ្ឈមណ្ឌល​ទិន្នន័យ (Data Center)​។​
​យោងតាម​ការចុះផ្សាយរ​បស់ Wall Street Journal បាន​ឲ្យ​ដឹងថា Facebook ចំណេញ​ត្រឹមតែ ៥១២​លាន​ដុល្លារ​អាមេរិក ប៉ុណ្ណោះ​នៅក្នុង​ត្រីមាស​ទី​១ ឆ្នាំ ២០១៥ ដោយសារតែ​នៅលើ​ចុងឆ្នាំ ២០១៤ និង​ដើមឆ្នាំ ២០១៥ នេះ Facbeook បាន​ចំណាយលុយ​យ៉ាងច្រើន​សន្ធឹក​ក្នុង​ការសាងសង់​មជ្ឈមណ្ឌល​ទិន្នន័យ​។​
​គួរបញ្ជាក់​ផងដែរ​ថា ប្រាក់ចំណូល​បានមកពី​ការផ្សព្វផ្សាយ​ពាណិជ្ជកម្ម​នៅក្នុង​ត្រីមាស​ទី​១ នេះ មាន​ចំនួន ៣,៣​ពាន់​លាន​ដុល្លារ​អាមេរិក ដោយបាន​កើនឡើង ៤៦​ភាគរយ ក្នុងនោះ​មាន ៧៣​ភាគរយ បានមកពី​ការផ្សព្វផ្សាយ​ពាណិជ្ជកម្ម​លើ​ទូរស័ព្ទ​ចល័ត​៕​