តូក្យូ៖ យន្តហោះ Drone ភ្ជាប់ជាមួយនឹងជាតិវិទ្យុសកម្មដែលអាចផ្ទុះបាន ព្រមទាំងកាម៉េរា ត្រូវបានប្រទះឃើញនៅលើដំបូលនៃអគារការិយាល័យលោកនាយករដ្ឋមន្ត្រីជប៉ុន Shinzo Abe ក្នុងទីក្រុងតូក្យូ កាលពីថ្ងៃពុធ ទី២២ ខែមេសា ឆ្នាំ ២០១៥ ម្សិលមិញនេះ។
សារព័ត៌មានក្នុងស្រុកបានចុះផ្សាយថា ក្រុមអ្នកជំនាញ និងសន្ដិសុខរបស់ការិយាល័យរដ្ឋមន្ត្រីបានយកយន្តហោះនោះទៅធ្វើការត្រួតពិនិត្យ និងស៊ើបអង្កេត ដោយទូរទស្សន៍ក្នុងស្រុកបានផ្សាយថា ជាតិវិទ្យុសកម្ម ដែលនៅក្នុងយន្តហោះនោះមានកម្រិតទាប ប៉ុន្តែវាអាចធ្វើការគ្រោះថ្នាក់ដល់មនុស្សបាន។
គួរបញ្ជាក់ផងដែរថា យន្តហោះ Drone គ្មានមនុស្សបើកនេះ ត្រូវបានប្រទះឃើញនៅលើដំបូងអគារការិយាល័យនាយករដ្ឋមន្ត្រី Abe កាលពីវេលាម៉ោង ១០៖៣០នាទីព្រឹក ថ្ងៃទី២២ ខែមេសា ឆ្នាំ ២០១៥ ម្សិលមិញ ដោយបុគ្គលិកបម្រើការងារនៅក្នុងការិយាល័យជាអ្នកប្រទះឃើញ ខណៈពេលដែលលោក Abe កំពុងតែចូលរួមកិច្ចប្រជុំអាស៊ី-អាហ្វ្រិកនៅឥណ្ឌូនេស៊ី៕
មតិយោបល់