យោងតាមប្រភពព័ត៌មាន theguardian បាន​ចុះផ្សាយ​ឲ្យដឹងថា សំបុត្រ​ចូល​មើល​ការ​ប្រកួត​រវាង​ Floyd Mayweather ​និង​ Manny Pacquiao ​ ត្រូវបានលក់ចេញអស់គ្មាសល់ ក្នុងរយៈពេលមិនដល់ ១​នាទីផង ។
សម្រាប់ការប្រកួតដែលមទំហំទឹកប្រាក់ជាង ៤០០ លានដុល្លារ នៅ​ថ្ងៃ​ទី​២​ ខែ​ឧសភា​បាន​ប្រកាស​ចេញ​លក់​ជា​ផ្លូវ​ការ​ហើយ​នៅ​ថ្ងៃ​នេះ ប៉ុន្តែសំបុត្រ តម្លៃ ចាប់ពី $10,000, $7,500, $5,000, $3,500, $2,500 រហូត $1,500 ។ ក្នុងនោះដែរ មានតែ សំបុត្រ ៥០០ សន្លឹកប៉ុណ្ណោះ ដែលអាចរកទិញបាន ​នៅតំបន់ប៉ាស៊ីហ្វិកដោយរកទិញមិនបានទៀត ហើយក៏គ្មានសំបុត្រលក់នៅ MGM Grand Garden Arena box office នោះដែរ​។​
ប៉ុន្តែប្រភពផ្សេងបានឲ្យដឹងថា ​មាន​តែ​សំបុត្រ​ចំនួន​១០០០​សន្លឹក​ទេ ​ដែល​ត្រូវ​ដាក់​លក់​ជា​សាធារណៈ ហើយ​មាន​តម្លៃ​ចាប់​ពី ១៥០០​ដុល្លារ​ដល់​ ៧៥០០​ដុល្លារ​អាមេរិក។ក្រៅ​ពី​នេះ​គឺ​ត្រូវ​បាន​ដាក់​លក់​ឱ្យ​ក្រុម​ហ៊ុន​ផ្ដាច់​មុខ​ទាំង​អស់។ ចំពោះ​កៅអី​ដែល​នៅ​កៀក​​សង្វៀន​វិញ ត្រូវ​បាន​គេ​ដាក់​លក់​លក្ខណៈ​​ដេញ​ថ្លៃ​​ឡើង​ពី​តម្លៃ​ ១០០០០​ដុល្លារ​ដល់​២០០០០​ដុល្លារ​ឯណោះ៕