កំពូលតារាចម្រៀងរ៉េប លោក Diddy និងកំពូលតារាសម្ដែងលោក Mark Wahlberg បានភ្នាល់គ្នាដាក់លុយ ២៥ម៉ឺនដុល្លារអាមេរិក សម្រាប់ការប្រកួតរបស់កំពូលកីឡាប្រដាល់មិនដែលចាញ់ Floyd Mayweather និង Pacquiao ដែលនឹងធ្វើឡើងនៅថ្ងៃទី០២ ខែឧសភា ខាងមុខ។
ក្នុងការភ្នាល់គ្នានេះ តារាចម្រៀងរ៉េប លោក Diddy ដែលមានទ្រព្យ ៧០០លានដុល្លារអាមេរិក បានចាក់ខាងកីឡាករ Floyd Mayweather ចំណែកកំពូលតារាសម្ដែងលោក Mark Wahlberg ដែលមាន ៣២ពាន់លានដុល្លារអាមេរិក បានចាក់ខាងកីឡាករ Manny Pacquiao ដោយជាដំបូង លោក Diddy ភ្នាល់ដាក់ ១០ម៉ឺន ប៉ុន្តែត្រូវបានលោក Mark Wahlberg ថាតិចពែកឲ្យថែមលុយរហូតដល់ ២៥ម៉ឺនដុល្លារអាមេរិក។
គួរបញ្ជាក់ផងដែរថា សំបុត្រចូលទស្សនាការប្រកួតរបស់កំពូលកីឡាករទាំងពីរនេះមានតម្លៃចន្លោះពី ១,០០០ដុល្លារអាមេរិក ដល់២,៥០០ដុល្លារអាមេរិក៕
ព័ត៌មានជាតិ
មតិយោបល់