យន្តហោះដឹកអ្នកដំណើរ Airbus A320 របស់ក្រុមហ៊ុនអាកាសចរណ៍តួកគី ជើងហោះហើរពីទីក្រុង Milan ប្រទេសអ៊ីតាលី ទៅកាន់ ទីក្រុង Istanbul ប្រទេសតួកគី បានចុះចតជាបន្ទាប់នៅក្នុងអាកាសយានដ្ឋាន Ataturk Airport ក្នុងប្រទេសតួកគី នៅថ្ងៃសៅរិ៍នេះ ដោយសារមានភ្លើងឆេះនៅត្រង់ម៉ាស៊ីន។ នេះបើយោងតាមការចុះផ្សាយរបស់ Reuters នៅល្ងាចថ្ងៃសោរិ៍នេះ។
ទូរទស្សន៍ក្នុងស្រុកបានដាក់ផ្សាយដោយបង្ហាញរូបភាពក្រុមពន្លត់អគ្គីសភ័យត្រៀមនៅកន្លែងអាកាសយានដ្ឋាន ដើម្បីត្រៀមពន្លត់ ដោយអ្នកដំណើរទាំងអស់ត្រូវបានជម្លៀសចេញដោយមានសុវត្ថិភាព។ អ្នកនាំពាក្យរបស់ក្រុមហ៊ុន Turkish Airlines បានប្រាប់ឲ្យដឹងថា អ្នកដំណើរទាំង ៩៧នាក់ មានសុវត្ថិភាព មិនមានផលប៉ះពាល់ដល់សុខភាពឡើយ ហើយក្រុមហ៊ុននឹងបង្ហាញពីមូលហេតុដែលបណ្ដាលឲ្យកើតមានករណីខាងលើ នៅក្រោយពេលស៊ើបអង្កេតរួច៕
មតិយោបល់