ឧត្តរមានជ័យ៖ ស្ត្រីម្នាក់ស្លាប់ហើយត្រូវបានក្រុមគ្រួសារធ្វើពិធីបុណ្យតាមប្រពៃណី ស្រាប់តែដល់ពេលរសៀលម៉ោងប្រហែល៣នៅថ្ងៃទី៣ ខែឧសភាឆ្នាំ២០១៥មានការភ្ញាក់ផ្អើលថា នាងនៅមានដង្ហើមនិងសាច់នៅក្តៅ បែកញើសក្បាលនៅឡើយ ដោយមតិខ្លះសន្និដ្ឋានថា នាងនៅរស់នោះទេ ដែលការស្លាប់ហើយរស់ឡើងវិញនេះ បង្កការភ្ញាក់ផ្អើលនៅពេញស្រុកអន្លង់វែង។តាមប្រភពព័ត៌មានពីប្រជាពលរដ្ឋបានឲ្យដឹងថា កាលពីវេលាម៉ោង១០ថ្ងៃទី១ខែឧសភាឆ្នាំ២០១៥ឪពុកឈ្មោះភូក ភន់ ជាទាហានប្រតិបត្តិការសឹករងស្រុកអន្លង់វែង បានទិញសាច់ឆ្លុសប្រហែល២គីឡូក្រាមយកទៅឲ្យកូនស្រីហូបនៅចំការស្វាយ ហើយបានរយះពេល១ម៉ោងក្រោយមកក៏មានបញ្ហាស្ពឹកដៃខាងឆ្វេងរហូតមកដល់ម៉ោង១២ ថ្ងៃ ខែ ឆ្នាំ ដដែល ប្តីឃើញសភាពមិនស្រួលក៏បញ្ជូនមកកាន់មន្ទីរពេទ្យបង្អែកស្រុកអន្លង់វែង ដើម្បីជួយសង្គ្រោះនៅពេលនោះ គ្រូរពេទ្យថា ចាក់ថ្នាំមិនចូល ហើយក៏បានដឹកយកមកផ្ទះវិញ ហើយបងប្អូនក្រុមគ្រួសារបានរកគ្រូរខ្មែរមើល នៅពេលនោះគ្រូរខ្មែរបានថា ត្រូវផោះគេ រួចហើយខុសមាត់ខុស ក ផង។ប្រភពព័ត៌មានបានបន្តទៀតថា នៅពេលបច្ចុប្បន្ន បងប្អូនក្រុមគ្រួសារនៅតែមិនអស់ចិត្ត ពីព្រោះនាង ឈ្មោះភូក ភឿន ភេទស្រីអាយុ២៣ឆ្នាំរស់នៅភូមិអភិវឌ្ឍន៍ ឃុំអន្លង់វែង ស្រុកអន្លង់វែង ខេត្តឧត្តរមានជ័យ ដែលបានស្លាប់ទៅហើយនោះ សាច់ឈាមនៅក្តៅ នៅឡើយ។ទោះបីយ៉ាងណាយើងនៅមិនទាន់ដឹងពីលទ្ធផលចុងក្រោយតើនាងអាចរស់រានមានជីវិតជាធម្មតាឡើងវិញឬយ៉ាងណានោះទេ រហូតមកដល់វេលាម៉ោង១២និង៨នាទីថ្ងៃទី៤ ខែឧសភា ឆ្នាំ២០១៥នេះ។ រហូតដល់ថ្ងៃទី៥ ខែឧសភា ឆ្នាំ២០១៥ ព្រឹកមិញនេះ ទើបបងប្អូនក្រុមគ្រួសារនិងឪពុកម្តាយ អស់ចិត្តបន្ទាប់ពីស្ត្រីជាកូនស៊ីសាច់ឆ្លុសហើយត្រូវទាស់ស្លាប់ក៏ប៉ុន្តែដៃជើងនៅទុន.ហើយនៅក្តៅនោះ ហើយបងប្អូនក្រុមគ្រួសារមិនអស់ចិត្តខិតខំរកគ្រូរមើលត្រូវធ្វើនេះត្រូវធ្វើនោះនៅតែមិនរស់ដូចបំណង កាលពីថ្ងៃទី១ឧសភានោះហើយនៅពេលព្រឹកមិញនេះ ដោយមានការធុំក្លិនស្អុយពីខ្លួនសាកសពទៅហើយ ហើយបងប្អូនក្រុមគ្រួសារនិងឪពុកម្តាយសំរាចបូរជា នៅថ្ងៃទី៦ ខែឧសភា ឆ្នាំ២០១៥៕
ព័ត៌មានជាតិ
មតិយោបល់