បន្លែ និងផ្លែឈើជាច្រើន សុទ្ធសឹងតែផ្ដល់អត្ថប្រយោជន៍សម្រាប់សុខភាព និងសម្រស់ ក្នុងនោះផ្លែប៉េងប៉ោះ ត្រូវបានអ្នកវិទ្យាសាស្ត្របានរកឃើញថា ផ្ដល់អត្ថប្រយោជន៍ជាច្រើនដល់ស្បែក។
ផ្លែប៉េងប៉ោះ មានតម្លៃថោកងាយរកទិញបាន ដែលសម្បូរទៅដោយសារធាតុបំប៉ន ជួយឲ្យកម្រិត PH របស់ស្បែកមានតុល្យភាព មានសំណើម និងភ្លឺថ្លា។ ទាំងផ្លែប៉េងប៉ោះស្រស់ និងទឹកផ្លែប៉េងប៉ោះ សុទ្ធតែផ្តល់នូវគុណប្រយោជន៍ដល់សុខភាពទាំងអស់។ ម្យ៉ាងវិញទៀត ប្រសិនបើស្បែករបស់អ្នកឡើងជាំខ្មៅនិងស្ងួតបែកស្រកា វិធីល្អ និងសាមញ្ញអ្នកអាចប្រើទឹកប៉េងបោះកៀបដើម្បីធ្វើជាម៉ាស់បិទមុខក្នុងរយៈពេល ១៥នាទី ក្រោយមកលាងជម្រះឲ្យស្អាត ព្រោះ វិធីនេះអាចកម្ចាត់ស្បែកងាប់នៅលើផ្ទៃមុខបាន ។
លើសពីនេះ ផ្លែប៉េងប៉ោះក៏ជាបន្លែមួយប្រភេទ ដែលមានកម្រិតវីតាមីន C ខ្ពស់ ។ ការលាបមុខដោយទឹកប៉េងប៉ោះ កៀបលាយជាមួយទឹកឃ្មុំ ក្នុងរយៈពេល ១០ នាទី ជារៀងរាល់ថ្ងៃ ក្រោយពេលលាងជម្រះដោយទឹកធម្មតានឹងជួយបំបាត់ស្នាមជាំខ្មៅ និងធ្វើឲ្យស្បែកឡើងស្រស់ថ្លារលោងស្អាតបានមួយកម្រិតដែរ៕
មតិយោបល់