ភ្នំពេញ៖ នៅម៉ោង ១០៖១០នាទីព្រឹកថ្ងៃទី០៤ ខែមិថុនានេះ ជនភៀសខ្លួន ៤នាក់ មកពីកោះណារ៉ូ ប្រទេសអូស្រ្តាលី បាន មកដល់ទឹកដីទីក្រុងភ្នំពេញ តាមជើងហោះហើររបស់ម៉ាឡេស៊ី MH754។
ជនភៀសខ្លួន ៤នាក់នេះ ត្រូវបានអង្គការ IOM នាំចេញពីព្រលានយន្ដហោះអន្តរជាតិភ្នំពេញ ទៅកាន់កន្លែងស្នាក់នៅបណ្ដោះអាសន្នមួយក្នុងទីក្រុងភ្នំពេញ ប៉ុន្តែព័ត៌មានបន្ថែមផ្សេងមិនត្រូវបានបង្ហើបឲ្យដឹងឡើយ ខណៈដែលមន្ត្រីជាន់ខ្ពស់មួយរូបបានលួចបង្ហើបឲ្យដឹងថា ជនភៀសខ្លួន ៤នាក់នេះ គឺទទួលបានការស្នាក់នៅ និងអ្វីផ្សេងៗទៀតទៅតាមលក្ខណៈនៅក្នុងកិច្ចព្រមព្រៀងរវាងប្រទេសអូស្ត្រាលី និងរដ្ឋាភិបាលកម្ពុជា៕
ប្រភពរូបភាព ហ្វេសប៊ុក
មតិយោបល់