ភ្នំពេញ​៖ ក្នុងកម្មវិធីសម្ពោធរឿង របស់ផលិតកម្ម BKS កាលពីថ្ងៃទី ២៧ ខែ ឧសភា ឆ្នាំ ២០១៥ កន្លងទៅនេះ ​តារាកំប្លែងដ៏ល្បីរបស់ស៊ីធីអិន បាននិយាយថា «ធ្វើជា​តារា​រកចំណូលបានជាង​ធ្វើសំណង់​» ។​
តារាកំប្លែងដ៏ល្បីល្បាញរបស់ ស៊ីធីអិន នាយ គ្រឿន ដែល​មហាជន​ស្គាល់នាយយ៉ាង​ច្បាស់ តាមរយៈ​កំប្លែងស្ងួត និងកំពុងរកចំណូលបាន​​ជាច្រើនពាន់ដុល្លា​រក្នុងមួយខែ ។ ក្រៅពី​អាជីព​ជា​តារាកំប្លែង តារា​ដែលមានដើមកំណើតនៅទឹកដី ស្វាយរៀង ក៏​ឆ្លៀត​ឱកាសបន្ថែមមុខងារ​មួយទៀតគឺ ជា​តារាភាពយន្ត និង ​ជា​អ្នកកាត់សក់តាមរោងការ ដ៏ពេញនិយម ។​

ក្នុងកម្មវិធី សម្ពោធរឿង«ដៃគូកំចាត់ខ្មោច​» របស់ផលិតកម្ម BKS ដែលធ្វើឡើងកាលពីថ្ងៃទី ២៧ ខែ ឧសភា ឆ្នាំ ២០១៥ កន្លងទៅនោះ នាយគ្រឿនបានប្រាប់ដល់អ្នកសារព័ត៌មានថា «ការងារជាអ្នកសិល្បៈ​ពិតជារកចំណូលបានស្រួល បើទោះបីជា​ជួបរឿងពិបាកខ្លះៗ តែ​វា​អាចរកចំណូលដ៏ច្រើនជាង ខ្លួនធ្វើកម្មករសំណង់» ។ តារារូបនេះបានបន្ថែមទៀតថា ៖ កាលខ្លួនធ្វើជាសំណង់ មួយថ្ងៃធំបំផុតអស់ហើយ បានតែជាង ២ម៉ឺន តែប៉ុណ្ណោះ ក្នុងមួយថ្ងៃ ដោយត្រូវ​លីសែង យ៉ាង​លំបាក តែពេលខ្លួនក្លាយទៅជា​តារា​ គឺរកចំណូលបានរាប់ពាន់ និងងាយស្រួលរកបំផុត ។​
ក្នុងនោះដែរនងយគ្រឿន ក៏ព្រលយថា ដោយបច្ចុប្បន្នស្នាក់នៅផ្ទះជាមួយនឹងបង ដោយមិនទាន់មានផ្ទះផ្ទាល់ខ្លួននោះ នឹងគ្រឿង​ទិញផ្ទះក្នុងពេលឆាប់ៗ​ខាងមុខ នៅពេលដែលមានថវិការគ្រប់គ្រាន់៕