តាកែវ៖ ភាពសោកសៅ និងសោកសង្រេង ជាខ្លាំងបានកើតមានចំពោះគ្រួសារកសិករមួយ ខណៈដែលកូនស្រីរបស់ខ្លួន ៣នាក់ លង់ទឹកស្លាប់ទាំងព្រម។
ហេតុការណ៍ ដ៏សោកសង្រេងនៅក្នុងត្រកូលកសិករក្រីក្រនេះ បានកើតឡើងនាម៉ោងប្រមាណជិត៦៖៤៥នាទីល្ងាច ថ្ងៃទី១៥ ខែមិថុនា ឆ្នាំ២០១៥ ស្ថិតនៅចំណុចប្រឡាយទឹកទួលក្បាលសែន ក្នុងភូមិសំរោង ឃុំទ្រា ស្រុកសំ រោង ខេត្តតាកែវ។
អាជ្ញាធរមូលដ្ឋានបានបញ្ជាក់ថា នៅមុនពេលកើតហេតុ កុមារីអភ័ព្វទាំង ៣នាក់បងប្អូន បានទៅស្រែជាមួយឪពុក លុះដល់ល្ងាចឡើង ដោយសារជាប់រវល់រកក្តាមធ្វើជាអាហារនោះ ឪពុកក៏បានឲ្យកូនៗដើរត្រឡប់មកផ្ទះមុន។ ជាអកុសលនៅពេលដើរដល់ប្រឡាយទឹកទួលក្បាលសែន ដែលមានចម្ងាយប្រមាណ ១គីឡូ ម៉ែត្រពីផ្ទះនោះ ក៏បាននាំគ្នាចុះលេងទឹកបណ្តាលឲ្យលង់ស្លាប់ទាំង ៣នាក់តែម្តង៕
ព័ត៌មានជាតិ
មតិយោបល់