ភ្នំពេញ៖ នៅម៉ោង១១៖១០នាទី ថ្ងៃទី២៥ ខែសីហា មានមន្ត្រីយោធាម្នាក់ត្រូវបានឃាត់ខ្លួនភ្លាមៗ បន្ទាប់ពីបានដកកាំភ្លើងខ្លី បាញ់សំដៅទៅលើបុរសម្នាក់ ដែលត្រូបានគេស្គាល់ថា ជាអធិការរងនគរបាលខណ្ឌ ទទួលបន្ទុកផ្នែកព្រហ្មទណ្ឌ។
យោងតាមសំដីរបស់មន្ត្រីនគរបាលបានឲ្យដឹងថា ហេតុការណ៍នោះបានកើតឡើងនៅនៅម៉ោង១១៖១០នាទី ថ្ងៃទី២៥ ខែសីហា នៅមុខវត្តវិហារឃួន ក្នុងសង្កាត់ចោមចៅ ខណ្ឌពោធិ៍សែនជ័យ ដោយជនបង្កហេតុមានឈ្មោះ សោម សុផាត អាយុ៤០ឆ្នាំ ជាអតីតមន្ត្រីយោធា នៅអង្គភាពកងពលតូចលេខ ង៧០ ដោយបច្ចុប្បន្នបានប្តូរទៅផ្នែក គីមីសាស្ត្រ បានដកកាំភ្លើងខ្លី ប្រភេទ K54 បាញ់ទៅសំដៅទៅលើលោក លោក តូច ផន អធិការរងនគរបាលខណ្ឌ ទទួលបន្ទុកផ្នែកព្រហ្មទណ្ឌ ចំនួន១គ្រាប់ ខណៈលោកអធិការរងបាន និងកំពុងដឹកនាំកម្លាំងល្បាត ចាប់ម៉ូតូអត់ស្លាកលេខ ត្រង់កន្លែង ដែលមន្ត្រីយោធាយាម ស្ថិតនៅមុខវត្តវិហារឃួន។
ក្រោយពេលកើតហេតុ មន្ត្រីយោធាដែលដកកាំភ្លើងបាញ់នោះ ត្រូវបានកម្លាំងសមត្ថកិច្ចចាប់ឃាត់ភ្លាមៗ នៅកន្លែងកើតហេតុ ហើយនាំមកសាកសួរនៅអធិការដ្ឋានខណ្ឌពោធិ៍សែនជ័យ៕
មតិយោបល់