សេអ៊ូល៖ នៅថ្ងៃអង្គារម្សិលមិញនេះ រដ្ឋាភិបាលក្រុងសេអ៊ូល និងព្យុងយ៉ាង បានចុះកិច្ចព្រមព្រៀងគ្នា ដោយកូរ៉េខាងជើង ព្រមដកទ័ព និងសម្ដែងការសោកស្ដាយចំពោះករណីផ្ទុះគ្រាប់មីននៅតំបន់គ្មានជម្លោះ ដែលបណ្ដាលឲ្យស្លាប់ និងមនុស្សរបួសប្រមាណ ៥នាក់ ហើយចំណែកកូរ៉េខាងត្បួង បានយល់ព្រមឈប់ចាក់ផ្សាយសំឡេងឃោសនាប្រឆាំងរដ្ឋាភិបាលក្រុងព្យុងយ៉ាងនៅតាមព្រំដែន។
នៅថ្ងៃនេះ សារព័ត៌មានយ៉ុនហាប់ បានចុះផ្សាយថា ស្ថានការនៅតាមបន្ទាត់ព្រំដែនបានស្ងប់ស្ងាត់ និងវិលទៅរកស្ថានភាពដូចដើមវិញ ហើយក្រោមកិច្ចព្រមព្រៀងនេះ អាចជំរុញឲ្យទំនាក់ទំនងការទូតរបស់រវាងប្រទេសទាំងពីរមានទំនាក់ទំនល្អឡើងវិញ ជាពិសេសគឺវិស័យសេដ្ឋកិច្ច និងទេសចរណ៍។
គួរបញ្ជាក់ផងដែរថា កូរ៉េខាងជើងបាញ់ផ្លោងដាក់កូរ៉េខាងត្បួង ដោយបានចោទប្រកាន់ថា បានចាក់ផ្សាយសំឡេងឃោសនាបំពងតាមព្រំដែន ចំណែកកូរ៉េខាងត្បូងបាន លើកឡើងថា មកពីកូរ៉េខាងជើងដាក់មីននៅតាមព្រំដែន ទើបខ្លួនចាក់ផ្សាយបែបនេះ៕
មតិយោបល់