ជនសង្ស័យឈ្មោះចេន ប៊ុនធីម ភេទប្រុស អាយុ១៩ឆ្នាំ មុខរបរមិនពិតប្រាកដ ប្រើប្រាស់គ្រឿងញៀនជាង១ឆ្នាំមកហើយ ស្នាក់នៅក្នុងភូមិកើតហេតុ មានស្រុកកំណើត នៅខេត្តរតនគិរី ។ សមត្ថកិច្ចដកហូតបានវត្ថុតាង ដែកសម្រាប់ ឆ្កឹះសោ១ដើម សោចាក់ទ្វារ១ ។

តាមសម្តីបុរសឈ្មោះ ឡុង យុត អាយុ៦២ឆ្នាំ មានទីលំនៅក្បែរកន្លែងកើតហេតុ បានឲ្យដឹងថា មុនកើតហេតុ បន្ទប់ជួលដែលជនសង្ស័យធ្វើសកម្មភាពនោះ បានបិទទ្វារ ចាក់សោ ដោយម្ចាស់ចេញទៅធ្វើការបាត់ហើយ ស្រាប់តែនៅវេលាម៉ោងខាង ជនសង្ស័យធ្វើសកម្មភាពឆ្កឹះសោចូល លួចទ្រព្យសម្បត្តិ កំពុងតែរើកកាយ ត្រូវបានអ្នកក្បែរខាងឃើញទាន់ ស្រែកឆោឡោ ផ្អើលនាំគ្នាចាប់ឃាត់ខ្លួនប្រគល់ឲ្យសមត្ថកិច្ច ។

តាមសម្តីជនសង្ស័យ បានសារភាពថា ខ្លួនពិតជាប្រើប្រាស់ដែកឆ្កឹះសោបន្ទប់ចូលលួចទ្រព្យសម្បត្តិមែន មិនទាន់យកចេញបានផង ត្រូវបានប្រជាពលរដ្ឋចាប់ខ្លួនបានតែម្តង ។