មានពាក្យចចាមអារ៉ាមជាច្រើនបានផ្ទុះឡើងថា Juventus កំពុងដាក់ផែនការណ៍លក់ ខ្សែប្រយុទ្ធម្ចាស់ Ballon D’or ៥សម័យកាលនេះ បន្ទាប់ពី Ronaldo មិនបានជួយអ្វីសោះក្នុងការប្រកួតទល់នឹងក្លិប Porto ជើងទី២ដែលធ្វើឲ្យ Juventus ធ្លាក់ចេញពី Champions League
សារព័ត៌មានរបស់អេស្ប៉ាញដ៏ល្បីល្បាញ El Chiringuito បានបង្ហើបថា Mendes ដែលជាអ្នកតំណាងរបស់ Ronaldo ពិតជាបានពិភាក្សាជាមួយ Real Madrid មែន។
ថែមពីលើនោះទៀតគឺ កាសែត Marca បានបញ្ជាក់ថា Cristiano Ronaldo និង Real Madrid បានត្រូវរ៉ូវគ្នាវិញហើយដូច្នេះកីឡាករសញ្ជាតិព័រទុយកាល់រូបនេះអាចនឹងមានភាគរយត្រឡប់ទៅលេងនៅ ម៉ាឌ្រីដ វិញ។
គួររម្លឹកផងដែរថា Ronaldo ជាប់កុងត្រាជាមួយ Juventus រហូតដល់ឆ្នាំ២០២២ឯណោះ ខណៈដែលកាលរដូវកាលមុន មានពាក្យចចាមអារ៉ាមថាគេអាចនឹងផ្ទេរទៅលេងនៅចិនឬ អាមេរិក។
ប៉ុន្តែយ៉ាងណាមិញ អ្នកកាសែតជនជាតិអ៊ីតាលី Emanuela Gamba បានប្រាប់ Calciomercato ថា Ronaldo អាចនឹងស្នាក់នៅជាមួយក្លិប១២ខែទៀតប៉ុន្តែគេក៏បានបង្ហើបដែរថា កាលពីរដូវក្ដៅមុន Jorge Mendes បានធ្វើការស្នើទៅក្លិប Paris Saint-Germain និង Manchester United ទាក់ទងនឹងការផ្ទេររបស់កំពូលខ្សែប្រយុទ្ធឆ្នើមរូបនេះដែរ។
ប្រភព៖ thesun
មតិយោបល់