(វ៉ាស៉ីនតោន)៖ មនុស្សចំនួន០៩នាក់ រួមទាំងខ្មាន់កាំភ្លើងផងដែរ បានបាត់បង់ជីវិតក្នុងហេតុការណ៍បាញ់ប្រហារមួយ ដែលបានកើតឡើងនាថ្ងៃព្រហស្បតិ៍សប្តាហ៍នេះ (ពេលវេលានៅអាមេរិក) ក្នុងទីក្រុង Indianapolis នៃរដ្ឋ Indiana។

បើតាមស្ថាប័នប៉ូលិសនៃទីក្រុង Indianapolis កម្លាំងប៉ូលិសបានឆ្លើយតបចំពោះហេតុការណ៍បាញ់ប្រហារមួយ នៅឯឃ្លាំងស្តុកទំនិញមួយកន្លែងរបស់ក្រុមហ៊ុនដឹកជញ្ជូន FedEx ហើយមនុស្សមួយចំនួន ត្រូវបានបាញ់ប្រហារ ក្នុងនោះ០៨នាក់ស្លាប់ ខណៈអ្នកដទៃទៀតដែលរងរបួស ត្រូវបានបញ្ជូនទៅកាន់មន្ទីរពេទ្យ។ បុរសម្នាក់ ដែលជាខ្មាន់កាំភ្លើង ក៏បានបាត់បង់ជីវិតផងដែរ ហើយពួកគេជឿថាជាការធ្វើអត្តឃាតខ្លួនឯង៕

AFP៖ ថ្ងៃទី១៦ ខែមេសា ឆ្នាំ២០២១