កំពង់ធំ ៖ នៅរសៀលថ្ងៃទី១៨ ខែ មេសា ឆ្នាំ២០២១ លោកឧត្តមសេនីយ៍ទោ ម៉ែន លី ស្នងការនគរបាលខេត្តកំពង់ធំ បានបង្ហាញមុខបុគ្គលមួយក្រុមដែលមិនគោរពតាមវិធានការរដ្ឋបាល ក្នុងការទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវ ប្រកបដោយគ្រោះថ្នាក់ធ្ងន់ធ្ងរផ្សេងៗទៀត ។
លោកឧត្តមសេនីយ៍ទោ ម៉ែន លី ស្នងការនគរបាលខេត្តកំពង់ធំ បានឲ្យដឹងថា បន្ទាប់ពីទទួលបានឃ្លីបវីដេអូ បង្ហោះពីសកម្មភាពការជួបជុំប្រមូលផ្ដុំផឹកស៊ីតាមរយ:បណ្ដាញសង្គម(Tik Tok) ពីម្ចាស់គណនីឈ្មោះ អី សំស្គលផង នាថ្ងៃទី១៧ ខែ មេសា ឆ្នាំ២០២១ ក្រុមការងារប្រតិកម្មរហ័ស នៃស្នងការដ្ឋាននគរបាលខេត្តកំពង់ធំ កម្លាំងអធិការដ្ឋាននគរបាលក្រុងស្ទឹងសែន និងអធិការដ្ឋាននគរបាលស្រុកកំពង់ស្វាយ សហការជាមួយកម្លាំងប៉ុស្តិ៍នគរបាលរដ្ឋបាលអូរគន្ធរ បានបើកកិច្ចប្រតិបត្តិការស្រាវជ្រាវ ជាលទ្ធផល ព្រឹកថ្ងៃទី ១៨ខែ មេសា ឆ្នាំ២០២១ សមត្ថកិច្ចយើង បានឃាត់ខ្លួនជនសង្ស័យចំនួន ០៩ នាក់ ស្រី ចំនួន ០១ នាក់ ៖
១.ឈ្មោះ វ៉ាន វីន ភេទ ប្រុស អាយុ២៩ ឆ្នាំ មុខរបរ ធ្វើស្រែ នៅភូមិ អូរគន្ធរត្បូង សង្កាត់ អូរគន្ធរ ក្រុង ស្ទឹងសែន ខេត្តកំពង់ធំ (ម្ចាស់គណនី Tik Tok) ។
២.ឈ្មោះ តន ពេញ ភេទ ប្រុស អាយុ ២៧ឆ្នាំ នៅភូមិ អូរគន្ធរត្បូង សង្កាត់ អូរគន្ធរ ក្រុង ស្ទឹងសែន ខេត្តកំពង់ធំ ។
៣.ឈ្មោះ អោម សាវឿន ភេទ ប្រុស អាយុ ៣៦ ឆ្នាំ នៅភូមិ អូរគន្ធរត្បូង សង្កាត់ អូរគន្ធរ ក្រុង ស្ទឹងសែន ខេត្តកំពង់ធំ ។
៤.ឈ្មោះ ម៉េង ចម្រើន ភេទ ប្រុស អាយុ ២៦ឆ្នាំ នៅភូមិ អូរគន្ធរត្បូង សង្កាត់ អូរគន្ធរ ក្រុង ស្ទឹងសែនខេត្តកំពង់ធំ ។
៥.ឈ្មោះ សាន មិនា ភេទ ប្រុស អាយុ២០ ឆ្នាំ នៅភូមិ អូរគន្ធរត្បូង សង្កាត់ អូរគន្ធរ ក្រុង ស្ទឹងសែន ខេត្តកំពង់ធំ ។
៦.ឈ្មោះ ស៊ន តុលា ភេទ ប្រុស អាយុ ២៣ ឆ្នាំ នៅភូមិ អូរគន្ធរត្បូង សង្កាត់ អូរគន្ធរ ក្រុង ស្ទឹងសែន ខេត្តកំពង់ធំ ។
៧.ឈ្មោះ មាស ស្រីវី ភេទ ស្រី អាយុ ១៧ ឆ្នាំ នៅភូមិ ព្រៃតាហ៊ូ សង្កាត់ ព្រៃតាហ៊ូ ក្រុង ស្ទឹងសែន ខេត្តកំពង់ធំ។
៨.ឈ្មោះ ថូ ភានិត ភេទ ប្រុស អាយុ ២០ឆ្នាំ នៅភូមិ កោះក្របបាយ សង្កាត់ កំពង់គោ ស្រុក កំពង់ស្វាយ ខេត្តកំពង់ធំ ។
៩.ឈ្មោះ វុធ គា ភេទ ប្រុស អាយុ ២០ឆ្នាំ នៅភូមិ កោះក្របបាយ សង្កាត់ កំពង់គោ ស្រុក កំពង់ស្វាយ ខេត្តកំពង់ធំ ។
ករណីនេះ សមត្ថកិច្ចនៃស្នងការដ្ឋាននគរបាលខេត្តកំពង់ធំ កំពុងកសាងនីតិវិធី ដោយអនុវត្តយ៉ាងតាមប្រកាសអន្តរក្រសួងលេខ: ១០៤៥ ប្រ.ក ស្ដីពីការពិន័យអន្តរការណ៍ ចំពោះបុគ្គលដែល មិនគោរពតាមវិធានការរដ្ឋបាល ក្នុងការទប់ស្កាត់ការឆ្លងរាលដាល នៃជំងឺកូវីដ-១៩ និងជំងឺឆ្លងកាចសាហាវ ប្រកបដោយគ្រោះថ្នាក់ធ្ងន់ធ្ងរផ្សេងៗទៀត ។
លោកស្នងការនគរបាលខេត្ត បានអំពាវនាវ ដល់បងប្អូនប្រជាពលរដ្ឋ សូមបន្តយកចិត្តទុកដាក់គោរព អនុវត្ត
ឲ្យមានប្រសិទ្ធភាពខ្ពស់ នូវវិធានការរបស់រាជរដ្ឋាភិបាល នៃព្រះរាជាណាចក្រកម្ពុជា និងសេចក្តីណែនាំ របស់ក្រសួងសុខាភិបាល ស្ដីពីវិធានការបង្ការ ទប់ស្កាត់ ការរីករាលដាល នៃជំងឺ COVID-19 ដើម្បីចៀសផុតការឆ្លងរាលដាល នៃជំងឺកូវីដ-១៩ ៕
មតិយោបល់